പന്തളം: കാണാതായ യുവാവിനെ തോട്ടില്‍ മരിച്ച നിലയില്‍ കണ്ടെത്തി. തുമ്പമണ്‍ പാണ്ടിയാന്‍തുണ്ടില്‍ കിഴക്കേതില്‍ അലക്സാണ്ടറുടെ മകന്‍ ജോജന്‍ അലക്സി(35)ന്‍റെ മൃതദേഹമാണ് തുമ്പമണ്‍ – കീരുകുഴി റോഡില്‍ പമ്പു പാലത്തിനു സമീപത്തെ തോട്ടില്‍ കണ്ടെത്തിയത്.
ഇന്നലെ വൈകുന്നേരം 4.30 ഓടെയാണ് സംഭവം. വെള്ളത്തില്‍ കമിഴ്ന്നു കിടക്കുന്ന നിലയില്‍ മൃതദേഹം കണ്ടത്. രണ്ടു ദിവസമായി ജോജനെ കാണാനില്ലായിരുന്നുവെന്ന് ബന്ധുക്കള്‍ പറഞ്ഞു. മൃതദേഹത്തിനു രണ്ടു ദിവസത്തോളം പഴക്കമുണ്ടെന്ന് പൊലീസ് പറഞ്ഞു.
പന്തളം പൊലീസ് മേല്‍നടപടികൾ സ്വീകരിച്ചു. മൃതദേഹം ഇന്‍ക്വസ്റ്റിനു ശേഷം അടൂര്‍ ജനറല്‍ ആശുപത്രി മോര്‍ച്ചറിയിലേക്ക് മാറ്റി. ഇന്നു കോട്ടയം മെഡിക്കല്‍ കോളജിൽ പോസ്റ്റ്‌മോര്‍ട്ടം നടത്തും. ജോജന്‍ അവിവാഹിതനാണ്. മാതാവ്: മേരി.
Post Your Comments