കയ്പമംഗലം: വയോധികയെ പീഡിപ്പിച്ച് മാല കവർന്ന കേസിലെ പ്രതി അറസ്റ്റിൽ. കയ്പമംഗലം കൂരിക്കുഴി ആശാരിക്കയറ്റം സ്വദേശി എ.ടി.എം രാഹുൽ, അപ്പു രാഹുൽ പേരുകളിലറിയപ്പെടുന്ന തോട്ടുപറമ്പിൽ രാഹുലിനെയാണ് (27) കയ്പമംഗലം പൊലീസ് അറസ്റ്റ് ചെയ്തത്.
ജനുവരി ഒന്നിനായിരുന്നു കേസിനാസ്പദമായ സംഭവം. രാവിലെ വീട്ടിൽ അതിക്രമിച്ച് കയറിയ പ്രതി വയോധികയെ പീഡിപ്പിച്ച ശേഷം മാല കവർന്ന് രക്ഷപ്പെടുകയായിരുന്നു.
Read Also : സർക്കാർ ജീവനക്കാരുടെ പണിമുടക്ക് നിയമവിരുദ്ധം, പണിമുടക്കുന്നവർക്ക് ശമ്പളത്തിന് അർഹതയില്ലെന്നും ഹൈക്കോടതി
എസ്.എച്ച്.ഒ സുബീഷ് മോനും സംഘവും ചേർന്ന് വഴിയമ്പലം അയിരൂരിൽ നിന്നാണ് ബുധനാഴ്ച ഇയാളെ അറസ്റ്റ് ചെയ്തത്. നേരത്തെ ഇയാൾ മോഷണക്കേസിലും അടിപിടി കേസിലും പ്രതിയാണ്. അറസ്റ്റ് ചെയ്തത്. എസ്.ഐമാരായ കൃഷ്ണപ്രസാദ്, അബ്ദുൽ സത്താർ, മുഹമ്മദ് റാഫി, സീനിയർ സി.പി.ഒ പ്രശാന്ത് എന്നിവരും പ്രതിയെ പിടികൂടിയ സംഘത്തിലുണ്ടായിരുന്നു. പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.
Post Your Comments