ടി​പ്പ​റും കാ​റും കൂ​ട്ടി​യി​ടി​ച്ച് അപകടം : കോ​ഴി​ക്കോ​ട് സ്വ​ദേ​ശിയായ വീട്ടമ്മയ്ക്ക് ദാരുണാന്ത്യം

റാ​ന്നി: ടി​പ്പ​റും കാ​റും കൂ​ട്ടി​യി​ടി​ച്ച് കോ​ഴി​ക്കോ​ട് സ്വ​ദേ​ശി​യാ​യ വീ​ട്ട​മ്മ മ​രി​ച്ചു. കോ​ഴി​ക്കോ​ട് മെ​ഡി​ക്ക​ല്‍ കോ​ളജി​നു സ​മീ​പം മ​യ്യ​നാ​ട് പു​ള്ളോ​ലി​ക്ക​ല്‍ മി​നി ജ​യിം​സാ(55)​ണ് മ​രി​ച്ച​ത്.

പ​ത്ത​നം​തി​ട്ട ഭാ​ഗ​ത്തു ​നി​ന്നു റാ​ന്നി​ക്ക് വ​ന്ന ടി​പ്പ​ര്‍ ലോ​റി​യും എ​രു​മേ​ലി ഭാ​ഗ​ത്തു നി​ന്നു റാ​ന്നി ഇ​ട​ക്കു​ള​ത്തി​നു പോ​യ കാ​റു​മാ​ണ് കൂ​ട്ടി​യി​ടി​ച്ച് അപകടമുണ്ടായ​ത്. ഇ​ന്ന​ലെ പു​ല​ർ​ച്ചെ അ​ഞ്ചോ​ടെ പു​ന​ലൂ​ർ – മൂ​വാ​റ്റു​പു​ഴ സം​സ്ഥാ​ന​പാ​ത​യി​ൽ റാ​ന്നി തോ​ട്ട​മ​ൺ മി​നി സി​വി​ൽ സ്റ്റേ​ഷ​നു സ​മീ​പ​മാ​യി​രു​ന്നു അ​പ​ക​ടം. ഇ​രു​വാ​ഹ​ന​ങ്ങ​ളും നേ​ർ​ക്കു​നേ​ർ കൂട്ടിയി​ടി​ക്കു​ക​യാ​യി​രു​ന്നു.

Read Also : നിർത്തിയിട്ടിരുന്ന ഓട്ടോയിൽ നിന്ന് പണവും രേഖകളും കവർന്നു: പരാതിയുമായി ഭിന്നശേഷിക്കാരൻ 

റാ​ന്നി അ​ഗ്നി​ശ​മ​ന​സേ​ന ജീ​വ​ന​ക്കാ​രാ​ണ് ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്. കാ​റി​ന്‍റെ മു​ൻ​വ​ശം പൂ​ർ​ണ​മാ​യും ത​ക​ർ​ന്നു. കാ​ർ വെ​ട്ടി​പ്പൊ​ളി​ച്ചാ​ണ് യാ​ത്ര​ക്കാ​രെ പു​റ​ത്തി​റ​ക്കി​യ​ത്.

കാ​ർ ഓ​ടി​ച്ച തോ​മ​സു​കു​ട്ടി​യു​ടെ മാ​താ​വാ​ണ് മ​രി​ച്ച മി​നി. തോ​മ​സു​കു​ട്ടി, സ​ഹോ​ദ​ര​ൻ ടൈ​ജു, പി​താ​വ് ജെ​യിം​സ് എ​ന്നി​വ​ർ പ​രി​ക്കു​ക​ളോ​ടെ കോ​ട്ട​യം മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലാ​ണ്. പ​രി​ക്കേ​റ്റ ടി​പ്പ​ർ ലോ​റി ഡ്രൈ​വ​ർ കൊ​ട്ടാ​ര​ക്ക​ര സ്വ​ദേ​ശി മോ​ഹ​ന​ച​ന്ദ്ര​ൻ റാ​ന്നി താ​ലൂ​ക്ക് ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. കോ​ഴി​ക്കോ​ട് നി​ന്നു മ​ക​ളു​ടെ വീ​ടാ​യ ഇ​ട​ക്കു​ള​ത്തേ​ക്കു വ​രു​മ്പോ​ഴാ​യി​രു​ന്നു അ​പ​ക​ടം നടന്നത്.