പെരുവ: വീട്ടുമാലിന്യം കനാലില്‍ തള്ളിയതായി പരാതി. എംവിഐപിയുടെ പെരുവ – മരങ്ങോലി കനാലില്‍ പെരുവ പള്ളിക്ക് പുറകുവശമുള്ള കലാം റോഡരികിലാണ് മാലിന്യം തള്ളിയത്.
കഴിഞ്ഞദിവസം രാത്രിയില്‍ ആണ് സംഭവം. വീട്ടില്‍ ഉപയോഗിച്ചിരുന്ന മൂന്ന് കിടക്കകളാണ് കനാലില്‍ ഉപേക്ഷിച്ചിരിക്കുന്നത്. രാത്രിയില്‍ വാഹനത്തിലെത്തിച്ചായായിരിക്കും ഇവിടെ കൊണ്ടുവന്ന് ഉപേക്ഷിച്ചതെന്നാണ് നാട്ടുകാര്‍ പറയുന്നത്.
മഴ പെയ്തതോടെ കിടക്ക കനാലില്‍ നിന്നു മാറ്റുവാന്‍ പറ്റാത്ത അവസ്ഥയിലാണ്. ഈ ഭാഗത്ത് കനാലില്‍ ഉള്‍പ്പെടെ മാലിന്യം തള്ളുന്നത് പതിവായിരിക്കുകയാണ്. ഇതിനെതിരെ നടപടി ആവശ്യപ്പെട്ട് നാട്ടുകാർ രംഗത്തെത്തി.
Post Your Comments