കൊല്ലം: സംസ്ഥാന സര്‍ക്കാര്‍ നടത്തി വരുന്ന എക്സൈസ് സ്പെഷ്യല്‍ ഡ്രൈവിന്റെ ഭാഗമായി കൊല്ലം റേഞ്ചിലെ വിവിധ ഭാഗങ്ങളില്‍ നടത്തിയ റെയ്ഡില്‍ നാല് കഞ്ചാവ് ചെടികള്‍ കണ്ടെത്തി. കൊല്ലം സ്പെഷ്യല്‍ സ്ക്വാഡ് സര്‍ക്കിള്‍ ഇന്‍സ്പെക്ടര്‍ ടോണി ജോസിന്റെ നേതൃത്വത്തിലാണ് പരിശോധന നടത്തിയത്.
തൃക്കടവൂര്‍ കരീപ്പുഴ തെക്കേച്ചിറക്ക് സമീപത്ത് നിന്നാണ് കഞ്ചാവ് ചെടികള്‍ കണ്ടെത്തിയത്. ഐക്കര മുക്കില്‍ നിന്നും പാണം മുക്കം പോകുന്ന റോഡില്‍ കുളങ്ങര പടിഞ്ഞാറ്റത്തില്‍ അനില്‍ കുമാറിന്റെ പുരയിടത്തിന് മുന്‍വശത്ത് നിന്നാണ് നാല് കഞ്ചാവ് ചെടികള്‍ കണ്ടെത്തിയത്.
Read Also : എൻഡോസൾഫാൻ ദുരിത ബാധിതര്‍ക്ക് വേണ്ടിയുള്ള ദയാബായിയുടെ നിരാഹാര സമരം പതിനാറാം ദിവസത്തിലേക്ക്
സംഭവവുമായി ബന്ധപ്പെട്ട് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു. ഈ പ്രദേശങ്ങളില്‍ രാത്രി കാലങ്ങളില്‍ യുവാക്കള്‍ കൂട്ടമായി എത്തുകയും മയക്കുമരുന്ന് ഉപയോഗിക്കുകയും ചെയ്യുന്നുണ്ടെന്ന് എക്സൈസിന് വിവരം ലഭിച്ചിരുന്നു. തുടർന്നാണ് പരിശോധന നടത്തിയത്.
Post Your Comments