തിരുവള്ളൂർ: തെരുവ് നായ്ക്കൾ ബൈക്കിനു കുറുകെ ചാടിയുണ്ടായ അപകടത്തിൽ ബൈക്ക് യാത്രക്കാരായ രണ്ടുപേർക്ക് പരിക്ക്. മുയിപ്പോത്ത് സ്വദേശി ചങ്ങരോത്ത്കണ്ടി വിജേഷ്, ബൈക്കിൽ കൂടെ യാത്ര ചെയ്തിരുന്ന തോടന്നൂർ സ്വദേശി ബിനീഷ് എന്നിവർക്കാണ് പരിക്കേറ്റത്.
ചൊവ്വാഴ്ച വടകര-പേരാമ്പ്ര റോഡിൽ ചെക്കോട്ടി ബസാറിൽ ആണ് സംഭവം. വിജേഷിന്റെ പരിക്ക് ഗുരുതരമാണ്. ഇടതുകാൽ ഒടിയുകയും തലക്കും കൈക്കും പരിക്കേൽക്കുകയും ചെയ്തു. ഇവർ ബൈക്കിൽ വരുമ്പോൾ ഒരു കൂട്ടം നായ്ക്കൾ കുറുകെ ചാടുകയായിരുന്നു.
Read Also : വിഴിഞ്ഞം തുറമുഖ വിഷയം: അദാനി ഗ്രൂപ്പ് സമര്‍പ്പിച്ച ഹര്‍ജി ഹൈക്കോടതി ഇന്ന് പരിഗണിക്കും
നിയന്ത്രണം വിട്ട ബൈക്കിൽ നിന്ന് തെറിച്ചുവീണാണ് ഇവർക്ക് പരിക്കേറ്റത്. വടകര ആശുപത്രിയിൽ പ്രവേശിപ്പിച്ച വിജേഷിനെ ശസ്ത്രക്രിയക്കായി കോഴിക്കോട് സ്വകാര്യ ആശുപത്രിയിലേക്ക് മാറ്റി.
Post Your Comments