കോട്ടയം: യുവാവിനെ വീട്ടില്‍ക്കയറി ആക്രമിച്ച കേസിലെ പ്രതികളായ ഗുണ്ടകളെ ഒളിവില്‍ കഴിയാന്‍ സഹായിച്ച രണ്ടുപേര്‍ പൊലീസ് പിടിയിൽ. കൊല്ലം ചവറ ചിറ്റൂര്‍ പൊങ്ങര കിഷോര്‍ (ബാബു -38), ആലപ്പുഴ കലവൂര്‍ നമ്പുകുളങ്ങര സൂരജ് (21) എന്നിവരെയാണ് തൃക്കൊടിത്താനം പൊലീസ് അറസ്റ്റ് ചെയ്തത്.
തൃക്കൊടിത്താനത്ത് കഴിഞ്ഞദിവസം ആണ് കേസിനാസ്പദമായ സംഭവം നടന്നത്. ഗുണ്ടകളായ മൂന്നുപേര്‍ ചേര്‍ന്ന് അഭിജിത്ത് ചന്ദ്രന്‍ എന്നയാളെ വീട്ടില്‍ കയറി ആക്രമിച്ചിരുന്നു. സംഭവത്തിനുശേഷം ഒളിവില്‍ പോയ പ്രതികള്‍ക്ക് ആവശ്യമായ സൗകര്യങ്ങള്‍ ഒരുക്കി നല്കിയത് കിഷോറും സൂരജുമായിരുന്നു. തുടര്‍ന്നാണ് ഇവരെയും അറസ്റ്റ് ചെയ്തത്.
Read Also : ഈ സിമന്റ് കമ്പനികൾ ലക്ഷ്യമിട്ട് അദാനി ഗ്രൂപ്പ്, ഏറ്റെടുക്കൽ നടപടി ഉടൻ ആരംഭിക്കും
തൃക്കൊടിത്താനം എസ്എച്ച്ഒ അജീബ്, എസ്‌ഐ ബോബി വര്‍ഗീസ്, സിപിഒമാരായ സന്തോഷ്, അബ്ദുള്‍ സത്താര്‍, സെല്‍വരാജ് എന്നിവര്‍ ചേര്‍ന്നാണ് അറസ്റ്റ് ചെയ്തത്. പ്രതികളെ കോടതിയിൽ ഹാജരാക്കി.
Post Your Comments