കോട്ടയം: പ്ലസ് വണ്‍ വിദ്യാർത്ഥിനിയെ ഫോണിൽ നിരന്തരം ശല്യം ചെയ്തതിനു പൊലീസിൽ പരാതി നൽകിയതിനെ തുടർന്ന്, സംഘം ചേർന്ന് പെൺകുട്ടിയുടെ കുടുംബത്തെ വീട്ടിൽ കയറി ആക്രമിച്ച രണ്ടുപേർ പിടിയിൽ.
Read Also : ഡിജിറ്റൽ വായ്പ പദ്ധതികൾക്ക് തുടക്കം കുറിച്ച് ഇൻഡെൽമണി
മൂലേടം കുറ്റിക്കാട്ട് ക്ഷേത്രത്തിന് സമീപം ഇന്നലെ ഉച്ചയ്ക്ക് രണ്ടിനായിരുന്നു സംഭവം. വീടിന്‍റെ ജനൽച്ചില്ലകൾ തകർക്കുകയും പെണ്‍കുട്ടിയുടെ ബന്ധുക്കളെ ആക്രമിക്കുകയും ചെയ്തു. ആക്രമണം നടത്തിയ സംഘത്തിലെ സഹോദരൻമാരായ രണ്ടുപേരെ സമീപവാസികൾ ചേർന്നു പിടികൂടി പൊലീസിൽ ഏൽപ്പിച്ചു.
പരാതിക്കാരുടെ വീടിന് സമീപം മുമ്പ് വാടകയ്ക്ക് താമസിച്ചിരുന്ന കുടുംബത്തിലെ അംഗങ്ങളാണ് ആക്രമണം നടത്തിയത്. സമീപത്ത് താമസിക്കുന്ന ഓട്ടോറിക്ഷ ഡ്രൈവർ ഉച്ച ഭക്ഷണം കഴിക്കുന്നതിന് വീട്ടിലെത്തിയപ്പോൾ ബഹളം കേട്ട് നോക്കിയപ്പോഴാണ് ആക്രമണ വിവരം അറിഞ്ഞത്. ഉടൻ തന്നെ സമീപത്തുളളവരെ വിളിച്ചുചേർത്ത് രണ്ടുപേരെയും പിടിച്ചുകെട്ടി പൊലീസ് ഏൽപ്പിച്ചു. സംഘത്തിലെ മറ്റൊരാൾ രക്ഷപ്പെട്ടു.
സംഭവത്തിൽ, ചിങ്ങവനം പൊലീസ് കേസെടുത്ത് അന്വേഷണം ആരംഭിച്ചു. ആക്രമണത്തിൽ പരിക്കേറ്റവർ ജില്ലാ ആശുപത്രിയിൽ ചികിത്സതേടി.
Post Your Comments