കാ​റും ബൈ​ക്കും കൂ​ട്ടി​യി​ടി​ച്ച് തീ​പി​ടി​ച്ച് അപകടം : ഒ​രാ​ൾ മ​രി​ച്ചു, ഒ​രാ​ൾ​ക്ക് ഗു​രു​ത​ര പ​രി​ക്ക്

ക​ണ്ണൂ​ർ: കാ​റും ബൈ​ക്കും കൂ​ട്ടി​യി​ടി​ച്ച് തീ​പി​ടി​ച്ചു​ണ്ടാ​യ അ​പ​ക​ട​ത്തി​ൽ ഒ​രാ​ൾ മ​രി​ച്ചു. ഒ​രാ​ൾ​ക്ക് ഗു​രു​ത​ര പ​രി​ക്കേ​റ്റു. ബൈ​ക്ക് യാ​ത്രക്കാരനാ​യ ക​ർ​ണാ​ട​ക ചി​ക്ക​മം​ഗ​ളൂ​രു സ്വ​ദേ​ശി ഷം​ഷീ​ർ (25) ആ​ണ് മ​രി​ച്ച​ത്. കൂ​ടെ​യു​ണ്ടാ​യി​രു​ന്ന സു​ഹൃ​ത്ത് മാ​ലി​ക്കി (26) നെ ​ഗു​രു​ത​ര​ പരിക്കുകളോടെ ക​ണ്ണൂ​ർ ഗ​വ.​മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ചു.

മു​ച്ചി​ലോ​ട്ട് കാ​വി​ന് സ​മീ​പം ക​ണ്ണ​പു​ര​ത്ത് പ​ഴ​യ​ങ്ങാ​ടി- പാ​പ്പി​നി​ശേ​രി കെ​എ​സ്ടി​പി റോ​ഡി​ൽ‌ ഇ​ന്ന് രാ​വി​ലെ​യാ​ണ് അ​പ​ക​ടം ന​ട​ന്ന​ത്. ക​ർ​ണാ​ട​ക​യിൽ നി​ന്നും ക​ണ്ണൂ​ർ ഭാ​ഗ​ത്തേ​ക്ക് വ​രി​ക​യാ​യി​രു​ന്ന ബൈ​ക്കും പ​ഴ​യ​ങ്ങാ​ടി ഭാ​ഗ​ത്തേ​ക്ക് പോ​വു​ക​യാ​യി​രു​ന്നു കാ​റും ത​മ്മി​ലാ​ണ് കൂ​ട്ടി​യി​ടി​ച്ച​ത്. ബൈ​ക്ക് ഇ​ടി​ച്ച ഉ​ട​ൻ കാ​റി​ന്‍റെ ഇന്ധനടാ​ങ്ക് പൊ​ട്ടു​ക​യും തീ​പി​ടി​ക്കു​ക​യു​മാ​യി​രു​ന്നു.

Read Also : മുസ്ലിം ലീഗ് 2060ലാണ് ജീവിക്കുന്നത്, ഇത്രയധികം പുരോഗതിയും വിശാല ചിന്താഗതിയുമുള്ള സംഘടന ഏതാണ്?: പി.എം.എ സലാം

അ​പ​ക​ട​ത്തി​ന് തൊ​ട്ടു​പി​ന്നാ​ലെ വാ​ഹ​ന​ത്തി​ൽ നി​ന്നും ഇ​റ​ങ്ങി​യ​തി​നാ​ൽ കാ​ർ ഡ്രൈവർ ​മൊ​റാ​ഴ സ്വ​ദേ​ശി രാ​ധാ​കൃ​ഷ്ണ​ൻ അ​ത്ഭു​ത​ക​ര​മാ​യി ര​ക്ഷ​പ്പെ​ട്ടു. അ​പ​ക​ട​ത്തി​ൽ കാ​റും ബൈ​ക്കും പൂ​ർ​ണ​മാ​യി ക​ത്തി​ന​ശി​ച്ചു. ഷം​ഷീറിനെ ഉടൻ ആ​ശു​പ​ത്രി​യി​ൽ എ​ത്തി​ച്ചെങ്കിലും ജീവൻ രക്ഷിക്കാനായില്ല.

ക​ണ്ണ​പു​രം പൊ​ലീ​സും ക​ണ്ണൂ​രി​ൽ നി​ന്നെ​ത്തി​യ ഫ​യ​ർ​ഫോ​ഴ്സും നാ​ട്ടു​കാ​രും ചേ​ർ​ന്നാ​ണ് ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്. അ​പ​ക​ട​ത്തെ തു​ട​ർ​ന്ന് പ​ഴ​യ​ങ്ങാ​ടി- പാ​പ്പി​നി​ശേ​രി കെ​എ​സ്ടി​പി റോ​ഡി​ൽ ഒ​രു മ​ണി​ക്കൂ​റോ​ളം ഗ​താ​ഗ​തം സ്തം​ഭി​ച്ചു. ഇ​ൻ​ക്വ​സ്റ്റ് ന​ട​ത്തി​യ ഷം​ഷി​റി​ന്‍റെ മൃ​ത​ദേ​ഹം ക​ണ്ണൂ​ർ ഗ​വ.​മെ​ഡി​ക്ക​ൽ കോ​ള​ജ് മോ​ർ​ച്ച​റി​യി​ലേ​ക്ക് മാ​റ്റി.