ഗാന്ധിനഗർ: ബൈക്ക് റോഡിൽ തെന്നിമറിഞ്ഞ് ദമ്പതികൾക്ക് പരിക്കേറ്റു. തിരുവല്ല ഓതറ തെക്ക് കല്ലുമലയിൽ അഖിൽ (29), ഭാര്യ ശരണ്യ (25) എന്നിവർക്കാണു പരിക്കേറ്റത്. ഇരുവരെയും കോട്ടയം മെഡിക്കൽ കോളജിൽ പ്രവേശിപ്പിച്ചു.
ഇന്നലെ രാവിലെ 9.30നാണ് സംഭവം. ചിങ്ങവനം പുത്തൻപാലത്തിനു സമീപം ഇവർ സഞ്ചരിച്ചിരുന്ന ബൈക്ക് മറ്റൊരു വാഹനത്തെ മറികടക്കുന്നതിനിടെ നിയന്ത്രണം വിട്ടു തെന്നിമറിയുകയായിരുന്നു. കോട്ടയത്ത് ലക്ഷ്മി സിൽക്സിലെ ജീവനക്കാരാണ് ഇരുവരും.
Read Also : സ്റ്റാർട്ടപ്പുകൾ ഉയരുന്നു, പുതുതായി ആരംഭിച്ചത് 10,000 ലേറെ സ്റ്റാർട്ടപ്പുകൾ
തിരുവല്ലയിൽനിന്ന് ജോലിക്കായി പോകവെയാണ് അപകടം നടന്നത്. റോഡിൽ വീണു കിടന്ന ഇരുവരെയും ചിങ്ങവനം പൊലീസ് എത്തി ജില്ലാ ആശുപത്രിയിലെത്തിക്കുകയായിരുന്നു. സാരമായി പരിക്കേറ്റ ദമ്പതികളെ പിന്നീട് വിദഗ്ധ ചികിത്സക്കായി കോട്ടയം മെഡിക്കൽ കോളജിലേക്ക് മാറ്റി.
Post Your Comments