ചങ്ങനാശേരി: പച്ചക്കറി കയറ്റിവന്ന പിക്കപ്പ് വാൻ നിയന്ത്രണംവിട്ട് കടയിലേക്ക് ഇടിച്ചുകയറി അപകടം. പിക്കപ്പ് വാൻ ഡ്രൈവറടക്കം രണ്ടുപേർക്കു പരിക്കേറ്റു. ഡ്രൈവർ ആദർശ്(35), സഹായി അമൽ(23) എന്നിവർക്കാണ് പരിക്കേറ്റത്.
ശനിയാഴ്ച രാവിലെ 6.30-ന് പോസ്റ്റ് ഓഫീസ് ജംഗ്ഷനിലാണ് അപകടം നടന്നത്. വയനാട്ടിൽ നിന്ന് ഏത്തക്കുല കയറ്റി വന്ന വാഹനമാണ് അപകടത്തിൽപ്പെട്ടത്.
Read Also : ബാങ്കിംഗ് തട്ടിപ്പ്: നൂറ് കോടിക്ക് മുകളിലുള്ള തട്ടിപ്പുകളുടെ എണ്ണത്തിൽ ഗണ്യമായ കുറവ്
സംഭവം നടന്നത് ഫയർ സ്റ്റേഷൻ ഓഫീസിന് തൊട്ടടുത്തായതിനാൽ സ്റ്റേഷൻ അസിസ്റ്റന്‍റ് ഓഫീസർ ദിലീപിന്‍റെ നേതൃത്വത്തിലുള്ള സംഘം എത്തി പിക്കപ്പ് വാനിന്‍റെ കാബിൻ വെട്ടിപ്പൊളിച്ചാണ് അകത്ത് കുടുങ്ങിയവരെ രക്ഷപ്പെടുത്തിയത്.
ഫയർ ഫോഴ്സ് സംഘം ഇവരെ ജനറൽ ആശുപത്രിയിൽ പ്രവേശിപ്പിച്ചു. തുടർന്ന്, ഇവരെ കോട്ടയം മെഡിക്കൽ കോളജ് ആശുപത്രിയിലേക്ക് മാറ്റി.
Post Your Comments