ബാങ്കിംഗ് തട്ടിപ്പ്: നൂറ് കോടിക്ക് മുകളിലുള്ള തട്ടിപ്പുകളുടെ എണ്ണത്തിൽ ഗണ്യമായ കുറവ്

രാജ്യത്ത് 100 കോടിക്ക് മുകളിലുള്ള ബാങ്കിംഗ് തട്ടിപ്പുകളുടെ എണ്ണത്തിൽ ഗണ്യമായ കുറവ് രേഖപ്പെടുത്തി. കൂടാതെ, തട്ടിപ്പ് മൂല്യവും വൻ തോതിൽ കുറഞ്ഞു. 2021-22 കാലയളവിൽ ഏകദേശം 41,000 കോടി രൂപയുടെ 118 കേസുകളാണ് റിപ്പോർട്ട് ചെയ്തത്. പൊതു, സ്വകാര്യ ബാങ്കുകൾ ചേർന്ന കണക്കുകളാണിത്. എന്നാൽ, 2020-21 കാലയളവിൽ 1.05 ലക്ഷം കോടി രൂപയുടെ 265 കേസുകളാണ് റിപ്പോർട്ട് ചെയ്തത്.

റിസർവ് ബാങ്ക് പുറത്തുവിട്ട ഔദ്യോഗിക കണക്കുകൾ പ്രകാരം, പൊതുമേഖല ബാങ്കുകളിലും സ്വകാര്യ ബാങ്കുകളിലും തട്ടിപ്പിന്റെ എണ്ണം കുറഞ്ഞിട്ടുണ്ട്. രണ്ട് കാലയളവുകളിലെ കേസുകളുമായി താരതമ്യം ചെയ്യുമ്പോൾ , പൊതുമേഖല ബാങ്കുകളിലെ കേസുകൾ 167 ൽ നിന്നും 80 ലേക്ക് ചുരുങ്ങിയിട്ടുണ്ട്. കൂടാതെ, സ്വകാര്യ ബാങ്കുകളിലെ കേസുകൾ 98 ൽ നിന്നും 38 ആയി ചുരുങ്ങി.

Also Read: ബി.ജെ.പിയുടെ അടുത്ത ഘട്ട വളർച്ച ദക്ഷിണേന്ത്യയിൽ നിന്നായിരിക്കും: അമിത് ഷാ

ഇത്തവണ തട്ടിപ്പ് മൂല്യത്തിലും വൻ കുറവുണ്ട്. പൊതുമേഖലാ ബാങ്കുകളിലെ തട്ടിപ്പ് മൂല്യം 28,000 കോടി രൂപയായി. കഴിഞ്ഞ തവണ ഇത് 65,000 കോടി രൂപയായിരുന്നു. സ്വകാര്യ ബാങ്കുകളിലേത് 39,000 കോടി രൂപയിൽ നിന്ന് 13,000 കോടി രൂപയായി.