കൊച്ചി: സ്വര്‍ണക്കടത്ത് കേസ് പ്രതി സരിത്തിനെ തട്ടിക്കൊണ്ടുപോയതായുള്ള സ്വപ്ന സുരേഷിന്റെ വെളിപ്പെടുത്തല്‍ വിവാദമാകുന്നു. സ്വപ്ന ഇക്കാര്യം വെളിപ്പെടുത്തിയതോടെ പോലീസ് അന്വേഷണം ആരംഭിച്ചു. സംഭവത്തിന്റെ സിസിടിവി ദൃശ്യങ്ങള്‍, പോലീസ് പരിശോധിച്ച് വരികയാണ്. പാലക്കാടുള്ള തന്റെ ഫ്ളാറ്റില് നിന്നാണ് സരിത്തിനെ ബലം പ്രയോഗിച്ച് കൊണ്ടുപോയത് എന്നാണ് സ്വപ്നയുടെ വെളിപ്പെടുത്തല്‍.
Read Also: സ്വപ്ന സുരേഷിന്റെ വെളിപ്പെടുത്തൽ സർക്കാരിനെ കൂപ്പുകുത്തിക്കുമോ? കേസെടുക്കാനൊരുങ്ങി പിണറായി സർക്കാർ
സ്വപ്ന സുരേഷും മറ്റ് സ്റ്റാഫുകളും താമസിക്കുന്ന ബില്‍ടെക് അവന്യൂ എന്ന ഫ്ളാറ്റില് നിന്നാണ് രാവിലെ സരിത്തിനെ തട്ടിക്കൊണ്ട് പോയത്. സ്വര്‍ണക്കടത്ത് കേസുമായി ബന്ധപ്പെട്ട് ഇന്ന് രാവിലെ സ്വപ്ന സുരേഷ് കൂടുതല്‍ വെളിപ്പെടുത്തലുകള്‍ നടത്തിയിരുന്നു. ഇതിന് പിന്നാലെയാണ് സരിത്തിനെ ഫ്ളാറ്റില് നിന്നും ഒരു സംഘം തട്ടിക്കൊണ്ട് പോയത്. വെള്ള സ്വിഫ്റ്റ് കാറിലാണ് സംഘം എത്തിയത്. പോലീസ് ഉദ്യോഗസ്ഥര്‍ എന്ന് പറഞ്ഞ് മഫ്തിയില്‍ എത്തിയ സംഘമാണ് തട്ടിക്കൊണ്ട് പോയതെന്നാണ് സ്വപ്ന വെളിപ്പെടുത്തിയിരിക്കുന്നത്.
Post Your Comments