തിരുവനന്തപുരം: പി.ടിയുടെ മരണത്തെ മുഖ്യമന്ത്രി പോലും ആഘോഷമായി കണ്ടുവെന്ന് തൃക്കാക്കരയിലെ സ്ഥാനാർഥി ഉമ തോമസ്. അതുകൊണ്ടൊന്നും തളരില്ലെന്നും, തൃക്കാക്കരയില്‍ വിജയിച്ചു കാണിക്കുമെന്നും ഉമ തോമസ് മാധ്യമങ്ങളോട് പറഞ്ഞു.
വ്യാജ വീഡിയോ പ്രചാരണത്തില്‍ ജോ ജോസഫിന്റെ ഭാര്യയോടൊപ്പമാണെന്ന് പ്രതികരിച്ച ഉമ തോമസ്, തനിക്കെതിരെയും സൈബര്‍ ആക്രമണം ഉണ്ടായിട്ടുണ്ടെന്നും, ഈ കാലത്ത് അതൊക്കെ സാധാരണമാണെന്നും വിശദീകരിച്ചു. ഇടത് സ്ഥാനാര്‍ഥി ജോ ജോസഫും തന്നെ പോലെ വിജയ പ്രതീക്ഷയാണ് ഉയര്‍ത്തുന്നതെന്നും, ഭൂരിപക്ഷം എത്രയെന്ന് ഇപ്പോള്‍ പറയാനാവില്ലെന്നും അവർ വ്യക്തമാക്കി.
അതേസമയം, ജോ ജോസഫിനെതിരെയുള്ള വീഡിയോ പ്രചാരണത്തിൽ പ്രതികരണവുമായി ഇതുവരേയ്ക്കും കോൺഗ്രസ്‌ നേതാക്കൾ ഒന്നും തന്നെ രംഗത്തെത്തിയിട്ടില്ല.
Post Your Comments