ക്വിക്ക് റിയാക്ഷൻസ്: പുതിയ അപ്ഡേഷനുമായി വാട്സ്ആപ്പ്

വാട്സ്ആപ്പ് സ്റ്റാറ്റസുകൾക്ക് ഇമോജി പ്രതികരണം നടത്താവുന്ന ക്വിക്ക് റിയാക്ഷൻസ് ഫീച്ചറുമായി വാട്സ്ആപ്പ് രംഗത്ത്. വാട്സ്ആപ്പ് ബീറ്റാ ഇൻഫോ റിപ്പോർട്ട് അനുസരിച്ച്, ഭാവിയിലെ അപ്ഡേറ്റിൽ വാട്സ്ആപ്പ് സ്റ്റാറ്റസിനോട് പെട്ടെന്നുള്ള പ്രതികരണങ്ങൾ നടത്താനുള്ള ഫീച്ചർ വാട്സ്ആപ്പിൽ ലഭ്യമാകും.

Also Read: മുട്ട് തേയ്മാനം അലട്ടുന്നുണ്ടോ? എങ്കിൽ കഴിക്കാം ഈ ഭക്ഷണങ്ങൾ

ഇൻസ്റ്റഗ്രാം, മെസഞ്ചർ എന്നീ പ്ലാറ്റ്ഫോമുകളിലാണ് നിലവിൽ സ്റ്റാറ്റസുകൾക്ക് ഇമോജി പ്രതികരണം നടത്താനുള്ള ഫീച്ചർ ഉള്ളത്. ഈ ഫീച്ചർ വാട്സ്ആപ്പിൽ വരുന്നതോടെ പ്രതികരണങ്ങളായി 8 ഇമോജികൾ ഉൾക്കൊള്ളിക്കുമെന്നാണ് റിപ്പോർട്ട്.

വാട്സ്ആപ്പ് ഇപ്പോൾ മറ്റ് ചില പ്രധാന പ്രത്യേകതകൾ അവതരിപ്പിക്കാൻ ഒരുങ്ങുന്നുവെന്നാണ് വാട്സ്ആപ്പ് ബീറ്റാ ഇൻഫോ റിപ്പോർട്ട് പറയുന്നത്. പുതുതായി വന്ന ഫീച്ചറിൽ വോയിസ് കോളിൽ 32 പേരെ പങ്കെടുപ്പിക്കാൻ കഴിയും.