ശാർദുൽ താക്കൂറിനെ ബാറ്റിംഗ് ഓർഡറിൽ നേരത്തെ ഇറക്കണമെന്നാവശ്യപ്പെട്ട് സെവാഗ്

മുംബൈ: ഡൽഹി ക്യാപിറ്റൽസ് ഓൾ റൗണ്ടർ ശാർദുൽ താക്കൂറിനെ ബാറ്റിംഗ് ഓർഡറിൽ നേരത്തെ ഇറക്കണമെന്നാവശ്യപ്പെട്ട് മുൻ ഇന്ത്യൻ ഓപ്പണർ വീരേന്ദർ സെവാഗ്. ഓൾറൗണ്ടറായ താക്കൂറിന് ഇതുവരെ ഒരുപാട് അവസരങ്ങൾ കിട്ടിയിട്ടില്ലെന്നും ബാറ്റിംഗിൽ ഉപയോഗപ്രദമായ സംഭാവനകൾ താക്കൂറിന്റെ ഭാഗത്ത് നിന്ന് വന്നേക്കാമെന്നും സെവാഗ് പറഞ്ഞു.

‘അവരുടെ ബൗളിംഗിനെക്കാൾ ഡൽഹിയുടെ ബാറ്റിംഗിനെ കുറിച്ചാണ് ഞാൻ കൂടുതൽ ആശങ്കപ്പെടുന്നത്. ഷായും വാർണറും റൺസ് നേടുന്നു, അവരാണ് ടീമിന്റെ ബലം. ഡൽഹിക്ക് മികച്ച സ്കോർ നേടാൻ ഇരുവരും 15-16 ഓവർ ക്രീസിൽ നിൽക്കേണ്ടിവരും. അങ്ങനെ സംഭവിച്ചില്ലെങ്കിൽ മധ്യനിരയിൽ നിന്ന് ആരെങ്കിലും ഉത്തരവാദിത്തം ഏറ്റെടുക്കേണ്ടിവരും’.

Read Also:- പല്ലിന്റെയും മോണയുടെയും ആരോഗ്യത്തിന് ശ്രദ്ധിക്കേണ്ട പ്രധാന കാര്യങ്ങൾ!

‘നിങ്ങൾക്ക് ശാർദുൽ താക്കൂറിനെ ഓർഡർ അപ്പ് ചെയ്യാം. ഓൾറൗണ്ടറായ താക്കൂറിന് ഇതുവരെ ഒരുപാട് അവസരങ്ങൾ കിട്ടിയിട്ടില്ല. അവൻ ബൗളിങ്ങിൽ കാര്യമായൊന്നും ചെയ്യുന്നില്ല. ഒരുപക്ഷേ ബാറ്റിംഗിൽ ഉപയോഗപ്രദമായ സംഭാവനകളുമായി വന്നേക്കാം’ സെവാഗ് പറഞ്ഞു. കൊൽക്കത്ത നൈറ്റ് റൈഡേഴ്സിനെതിരെ ഇന്ന് നടക്കുന്ന പോരാട്ടത്തിന് മുന്നോടിയായി ക്രിക്ക്ബസിൽ സംസാരിക്കവെയാണ് സെവാഗ് ഇക്കാര്യം പറഞ്ഞത്.