അടിമാലി: വാഹനങ്ങളിൽ നിന്ന് ബാറ്ററി മോഷണം നടത്തി വന്ന സംഘത്തിലെ രണ്ടുപേർ അറസ്റ്റിൽ. അടിമാലി മില്ലുംപടി കുഴിക്കാട്ടുമാലിൽ ബിബിൻ (22), ആനവിരട്ടി കമ്പിലൈൻ പഴയതോട്ടത്തിൽ അമിൽ ജോസ് (22) എന്നിവരെയാണ് അറസ്റ്റ് ചെയ്തത്.
രാത്രികളിൽ വഴിയരികിലും വീടുകളിലും നിർത്തിയിടുന്ന വാഹനങ്ങളിൽ നിന്ന് ബാറ്ററികൾ മോഷ്ടിച്ച് വിൽപന നടത്തുകയാണ് രീതി. സംഘത്തിൽ കൂടുതൽ പേരുണ്ടെന്നും അന്വേഷണം ഊർജിതമാക്കിയതായും അടിമാലി സി.ഐ സുധീർ പറഞ്ഞു.
അടിമാലി പൊലീസാണ് പ്രതികളെ അറസ്റ്റ് ചെയ്തത്. പ്രതികളെ കോടതിയിൽ ഹാജരാക്കി.
Post Your Comments