കുവൈത്ത് സിറ്റി: കുവൈത്ത് രാജ്യാന്തര വിമാനത്താവളത്തിൽ തീപിടുത്തം. വിമാനത്താവളത്തിൽ നിർമ്മാണത്തിരിക്കുന്ന രണ്ടാം ടെർമിനലിലാണ് അഗ്നിബാധയുണ്ടായത്. ഭൂഗർഭ നിലയിൽ ഉണ്ടായ തീപിടിത്തം ഒന്നാം നിലയിലേക്കു വരെ പടർന്നുവെന്നാണ് അധികൃതർ വ്യക്തമാക്കുന്നത്. 6 അഗ്നിരക്ഷാ യൂണിറ്റിലെ 150 ഉദ്യോഗസ്ഥർ ചേർന്ന് നടത്തിയ ശ്രമങ്ങൾക്കൊടുവിലാണ് തീ നിയന്ത്രണ വിധേയമാക്കിയത്. അതേസമയം, ആളപായമൊന്നും റിപ്പോർട്ട് ചെയ്തിട്ടില്ല.
വിമാനത്താവളത്തിൽ എത്രത്തോളം നാശനഷ്ടമുണ്ടായെന്ന് കണക്കാക്കി വരികയാണ്. ചില വിമാനങ്ങൾ വൈകിയത് ഒഴിച്ചാൽ തീപിടുത്തം വ്യോമഗതാഗതത്തെ ബാധിച്ചിട്ടില്ലെന്ന് സിവിൽ ഏവിയേഷൻ അറിയിച്ചു.
Post Your Comments