ബൈക്കും കണ്ടെയ്നർ ലോറിയും കൂട്ടിയിടിച്ച് അപകടം : രണ്ടുപേർക്ക് ഗുരുതര പരിക്ക്

കൊച്ചി: ഗോശ്രീ പാലത്തിൽ ബൈക്കും കണ്ടെയ്നർ ലോറിയും കൂട്ടിയിടിച്ചുണ്ടായ അപകടത്തിൽ രണ്ടുപേർക്ക് ഗുരുതര പരിക്ക്. പുതുവൈപ്പ് സ്വദേശി റിൻസൺ (39), തൃപ്പൂണിത്തുറ സ്വദേശി സുരേന്ദ്രൻ (40) എന്നിവർക്കാണ് പരിക്കേറ്റത്.

കണ്ടെയ്നർ ലോറിയെ മറികടക്കാൻ ശ്രമിക്കുന്നതിനിടെ എതിർവശത്തുനിന്ന്​ എത്തിയ മറ്റൊരു വാഹനത്തിൽ ബൈക്ക് തട്ടുകയായിരുന്നെന്ന് ദൃക്സാക്ഷികൾ പറഞ്ഞു. തുടർന്ന് മറികടക്കാൻ ശ്രമിച്ച കണ്ടെയ്നർ ലോറിക്ക് അടിയിലേക്ക് ബൈക്ക് യാത്രക്കാർ വീഴുകയായിരുന്നു. ഇതോടെ ലോറിയുടെ അടിയിൽ ഇരുവരും കുടുങ്ങി.

Read Also : ബൈക്കിടിച്ച് പരിക്കേറ്റ് ചികിത്സയിലായിരുന്ന വയോധികൻ മരിച്ചു

മുളവുകാട് പൊലീസ്, എറണാകുളം ക്ലബ്​ റോഡ് അഗ്​നിരക്ഷാസേന എന്നിവർ സ്ഥലത്തെത്തിയാണ് ഇവരെ പുറത്തെടുത്തത്. തുടർന്ന്, എറണാകുളം മെഡിക്കൽ ട്രസ്റ്റ് ആശുപത്രിയിൽ പ്രവേശിപ്പിച്ച ഇരുവരും തീവ്രപരിചരണ വിഭാഗത്തിൽ ചികിത്സയിലാണ്.