ആമ്പല്ലൂര്‍: പുതുക്കാട് ചരക്ക് ട്രെയിന് പാളം തെറ്റിയതിനെ തുടര്‍ന്ന് നിരവധി ട്രെയിനുകള്‍ റദ്ദാക്കി. നാല് പാസഞ്ചറുകള്‍ ഉള്‍പ്പടെയുള്ള ട്രെയിനുകള്‍ ആണ് റെയില്‍വേ റദ്ദാക്കിയത്. വേണാട് എക്സ്പ്രസ് റദ്ദാക്കി.
എറണാകുളം-ഷൊര്‍ണൂര്‍, എറണാകുളം-ഗുരുവായൂര്‍, എറണാകുളം-പാലക്കാട്, നിലമ്പൂര്‍-കോട്ടയം പാസഞ്ചറുകളും റദ്ദാക്കിയിട്ടുണ്ട്. ന്യൂഡല്‍ഹി-തിരുവനന്തപുരം കേരള എക്സ്പ്രസ് ഒറ്റപ്പാലത്ത് നിര്‍ത്തിയിട്ടു. ബംഗളൂരു-എറണാകുളം ഇന്റര്‍സിറ്റി മാന്നാനൂരില്‍ നിര്‍ത്തിയിട്ടു. കോഴിക്കോട്-തിരുവനന്തപുരം ജനശതാബ്ദി എക്സ്പ്രസും ഷൊര്‍ണൂരില്‍ നിര്‍ത്തിയിടും.
വെള്ളിയാഴ്ച ഉച്ചക്ക് 2.15ഓടെയാണ് ട്രെയിന് അപകടം. ഇരുമ്പനം ബി.പി.സി.എല്ലില്‍ ഇന്ധനം നിറക്കാന്‍ പോയ ട്രെയിനിന്റെ നാല് ബോഗികളാണ് പാളം തെറ്റി അപകടത്തിൽ പെട്ടത്.
Post Your Comments