മുംബൈ: രഞ്ജി ട്രോഫിയില്‍ ഇന്ത്യന്‍ സീസിയര്‍ താരം അജിങ്ക്യ രഹാനെ മുംബൈ ടീമിനൊപ്പം ചേർന്നു. പൃഥ്വി ഷായുടെ ക്യാപ്റ്റന്‍സിക്ക് കീഴിലാവും രഹാനെക്ക് കളിക്കുക. ബാറ്റിംഗില്‍ മോശം പ്രകടനം തുടരുന്ന സാഹചര്യത്തിലാണ് രഹാനെ രഞ്ജി കളിക്കാനെത്തിയിരിക്കുന്നത്.
നിലവില്‍ ഇന്ത്യയുടെ ടെസ്റ്റ് ടീമിലേക്ക് മാത്രം പരിഗണിക്കപ്പെടുന്ന രഹാനെയുടെ ആ സ്ഥാനം കൂടി പോകുമെന്ന അവസ്ഥയാണുള്ളത്. എ ഗ്രേഡ് കരാറില്‍ നിന്നും താഴോട്ട് പോകാനും സാധ്യതയുണ്ട്. നിലവില്‍ വൈസ് ക്യാപ്റ്റന്‍ സ്ഥാനവും നഷ്ടപ്പെട്ട രഹാനെക്ക് പൂര്‍ണ്ണമായും തഴയപ്പെടാതിരിക്കാന്‍ ബാറ്റിംഗ് മികവ് കാട്ടേണ്ടതായുണ്ട്.
Read Also:- IPL Auction 2022 – കളി നിര്‍ത്തി നിന്റെ അച്ഛനോടൊപ്പം ഓട്ടോറിക്ഷ ഓടിക്കാൻ പലരും പറഞ്ഞു: മുഹമ്മദ് സിറാജ്
മധ്യനിരയില്‍ പ്രയാസപ്പെടുന്ന താരങ്ങള്‍ രഞ്ജി ട്രോഫി കളിക്കണമെന്ന നിര്‍ദേശമാണ് ഗാംഗുലി അടുത്തിടെ മുന്നോട്ട് വെച്ചത്. ഇതനുസരിച്ചാണ് രഹാനെ രഞ്ജി കളിക്കാനൊരുങ്ങുന്നത്. രഞ്ജി ട്രോഫിയില്‍ കളിച്ച് മികവ് കാട്ടാനായാല്‍ അല്‍പ്പനാള്‍ക്കൂടി അന്താരാഷ്ട്ര കരിയര്‍ മുന്നോട്ട് കൊണ്ടുപോകാന്‍ രഹാനെക്ക് സാധിക്കും.
Post Your Comments