ശ്രീകണ്ഠപുരം: കണിയാര്‍വയലില്‍ സൂപ്പര്‍ മാര്‍ക്കറ്റ് കേന്ദ്രീകരിച്ച്‌ വന്‍തോതില്‍ പാന്‍മസാല ഉല്‍പന്നങ്ങള്‍ വില്‍പന നടത്തിയ വ്യാപാരി അറസ്റ്റിൽ. സി.എച്ച്‌ നഗറിലെ ഞാറ്റുവയല്‍ പുതിയപുരയില്‍ അബൂബക്കറിനെയാണ് (42) പൊലീസ് അറസ്റ്റ് ചെയ്തത്.
കണിയാര്‍വയല്‍ – മലപ്പട്ടം റോഡരികിലെ മലബാര്‍ സൂപ്പര്‍ മാര്‍ക്കറ്റ് നടത്തിപ്പുകാരനാണ് അബൂബക്കര്‍. റിപ്പബ്ലിക് ദിനത്തില്‍ സൂപ്പര്‍ മാര്‍ക്കറ്റില്‍ നടത്തിയ പരിശോധനയിലാണ് ഒളിപ്പിച്ചു വെച്ച 607 പാക്കറ്റ് നിരോധിത പുകയില ഉല്‍പന്നങ്ങള്‍ പൊലീസ് പിടിച്ചെടുത്തത്.
Read Also : 1.73 കോടിയുടെ കുഴല്‍പണവുമായി രണ്ടുപേർ പൊലീസ് പിടിയിൽ
ശ്രീകണ്ഠപുരം എസ്.ഐ. സുബീഷ്‌മോന്റെ നേതൃത്വത്തിലുള്ള സംഘമാണ് അറസ്റ്റ് ചെയ്തത്. എ.എസ്.ഐ സജിമോന്‍, സി.പി.ഒ ശിവപ്രസാദ്, ഡ്രൈവര്‍ നവാസ് എന്നിവരും സംഘത്തിലുണ്ടായിരുന്നു. ഇയാളെ കോടതിയിൽ ഹാജരാക്കി.
Post Your Comments