‘ദൈവം എന്റെ ബ്രായുടെ അളവെടുക്കുന്നു’: അടിയുറച്ച വിശ്വാസി, വികാരം വ്രണപ്പെടുത്തിയതിൽ ക്ഷമാപണം നടത്തി നടി ശ്വേതാ തിവാരി

മുംബയ്: പത്രസമ്മേളനത്തിൽ ‘ദൈവം എന്റെ ബ്രായുടെ അളവെടുക്കുന്നു’ എന്ന വിവാദ പ്രസ്താവന നടത്തിയ നടി ശ്വേതാ തിവാരിയ്ക്കെതിരെ എഫ്‌ഐആർ ഫയൽ ചെയ്തു. തുടർന്ന് മനപ്പൂർവ്വമല്ലാതെ വികാരം വ്രണപ്പെടുത്തിയതിൽ ക്ഷമാപണം നടത്തി നടി രംഗത്ത് വന്നു. വാർത്താ സമ്മേളനത്തിലെ തന്റെ പ്രസ്താവന തെറ്റായി വ്യാഖ്യാനിച്ചതാണെന്ന് താരം വ്യക്തമാക്കി.

സഹപ്രവർത്തകനായ സൗരഭ് രാജ് ജെയ്‌നിന്റെ മുൻ റോളിനെ പരാമർശിക്കുന്ന തന്റെ പ്രസ്താവന തെറ്റായി വ്യാഖ്യാനിച്ചതാണെന്നും സൗരഭ് രാജ് ജെയ്‌നിന്റെ പ്രശസ്തമായ കൃഷ്ണ വേഷത്തിന്റെ പശ്ചാത്തലത്തിൽ ആളുകൾ പ്രസ്താവനയെ അഭിനേതാക്കളുമായി ബന്ധപ്പെടുത്തുകയായിരുന്നു എന്നും താരം പറഞ്ഞു. മാധ്യമങ്ങളുമായുള്ള സംഭാഷണത്തിനിടെ ഉദാഹരണമായി പറഞ്ഞ വാക്കുകൾ പൂർണ്ണമായും തെറ്റായി വ്യാഖ്യാനിക്കപ്പെടുകയായിരുന്നു എന്നും അത് സങ്കടകരമാണെന്നും ശ്വേതാ തിവാരി വ്യക്തമാക്കി.

മതപരിവർത്തനത്തിനും ഹലാലിനുമെതിരായ വൈദികന്റെ പ്രസ്താവന തള്ളിക്കളയാൻ തയ്യാറല്ല: തലശ്ശേരി അതിരൂപത

‘ഞാൻ ദൈവത്തിന്റെ അടിയുറച്ച വിശ്വാസിയാണ്, വികാരങ്ങളെ വലിയതോതിൽ വ്രണപ്പെടുത്തുന്ന തരത്തിലുള്ള ഒരു കാര്യവും മനഃപൂർവ്വമോ അല്ലാതെയോ പറയുകയോ ചെയ്യുകയോ ചെയ്യില്ല, എന്നിരുന്നാലും, സന്ദർഭത്തിൽ നിന്ന് പുറത്തെടുക്കുമ്പോൾ, എനിക്ക് മനസ്സിലായി, അത് ആളുകളുടെ വികാരങ്ങളെ മനപ്പൂർവ്വം വ്രണപ്പെടുത്തുന്നു. എന്റെ വാക്കുകളിലൂടെയോ പ്രവൃത്തികളിലൂടെയോ ആരെയും വേദനിപ്പിക്കുക എന്നത് ഒരിക്കലും എന്റെ ഉദ്ദേശ്യമായിരുന്നില്ല. അതിനാൽ, എന്റെ പ്രസ്താവന വേദനയുണ്ടാക്കിയതിൽ വിനീതമായി ക്ഷമ ചോദിക്കുന്നു.’ ശ്വേതാ തിവാരി പറഞ്ഞു.