കൊച്ചി : എറണാകുളം പെരുമ്പാവൂരില്‍ വന്‍ ശബ്ദത്തോടെ സ്ഫോടനം. വെങ്ങോലയിലാണ് സംഭവം. പ്രദേശത്തെ അടച്ചിട്ട വീട്ടുവളപ്പിലാണ് സ്ഫോടനം നടന്നത്. വൈകിട്ട് 7 മണിയോടെയായിരുന്നു നാട്ടുകാരെ ഭീതിയിലാഴ്ത്തിയ സ്ഫോടനം നടന്നത്. പരിസരത്ത് മാലിന്യങ്ങള്‍ കൂട്ടിയിട്ട് കത്തിച്ചപ്പോഴാണ് സ്ഫോടനമുണ്ടായതെന്നാണ് പുറത്തുവന്നിരിക്കുന്ന റിപ്പോര്‍ട്ട്. അപകടത്തില്‍ വീടിന്റെ ജനലുകളും ഭിത്തിയും മതിലും പൂര്‍ണമായും തകര്‍ന്നു. നാല് വീടുകളുടെ മതിലുകള്‍ തകര്‍ന്നിട്ടുണ്ട്.
Read Also : കേരളത്തില്‍ സിപിഎം അക്രമം അഴിച്ചുവിടുകയാണെന്ന് കെപിസിസി പ്രസിഡന്റ് കെ.സുധാകരന് എംപി
ആര്‍ക്കും പരിക്കില്ലെന്നാണ് പ്രാഥമിക നിഗമനം. എന്നാല്‍ സ്ഫോടനത്തിന്റെ കാരണം ഇതുവരെ വ്യക്തമായിട്ടില്ല. സംഭവത്തില്‍ പോലീസ് അന്വേഷണം ആരംഭിച്ചു.
Post Your Comments