നെടുങ്കണ്ടം: ബിവറേജ് കോര്‍പ്പറേഷന്‍ ഔട്ട്‌ലെറ്റിന് സമീപം മദ്യലഹരിയില്‍ യുവതി നടത്തിയ അക്രമണത്തില്‍ യുവാക്കള്‍ക്ക് പരിക്ക്. തുക്കുപാലം ബിവറേജ് കോര്‍പ്പറേഷന്‍ ഔട്ട്‌ലെറ്റിൽ നിന്നും മദ്യം വാങ്ങിസമീപത്ത് നിന്ന് കഴിച്ചതിന് ശേഷം യുവതി ഇവിടെ മദ്യപിച്ചിരുന്ന യുവാക്കളുടെ സമീപമെത്തി അവരോട് മദ്യം ആവശ്യപ്പെട്ട് വാങ്ങി കഴിക്കുകയായിരുന്നു.
തുടർന്ന് മദ്യലഹരിയില്‍ നിന്ന സംഘത്തിലുണ്ടായിരുന്ന യുവാവുമായി യുവതി വാക്കേറ്റത്തില്‍ ഏര്‍പ്പെട്ടു. ശേശം ഉണ്ടായ ഏറ്റുമുട്ടലില്‍ യുവാക്കള്‍ക്ക് പരിക്കേല്‍ക്കുകയായിരുന്നു. സംഭവം അറിഞ്ഞ് സ്ഥലത്തെത്തിയ നെടുങ്കണ്ടം പോലീസ് യുവതി ശാന്തമാക്കാന്‍ ശ്രമം നടത്തിയെങ്കിലും യുവതി വഴങ്ങിയില്ല.
മുഖ്യമന്ത്രിക്കെതിരെ സോഷ്യൽ മീഡിയയിൽ വധഭീഷണി: യുവാവിനെതിരെ പോലീസ് കേസ്
തുടര്‍ന്ന് യുവതിയുടെ വീട്ടുകാരെ പോലീസ് വിവരം അറിയിച്ചു. സ്ഥലത്തെത്തിയ വിട്ടുകാര്‍ യുവതിയെ അവിടെനിന്നും മാറ്റൊരിടത്തേയ്ക്ക് മാറ്റുകയായിരുന്നു. യുവതിയ്ക്ക് മദ്യം നല്‍കിയ യുവാവിനെ ചോദ്യം ചെയ്യുന്നതിനായി നെടുങ്കണ്ടം പോലീസ് സ്‌റ്റേഷനില്‍ എത്തിച്ചു. തുടർന്ന് കാലില്‍ പരിക്ക് ഉള്ളതിനാല്‍ ചികിത്സക്കായി ആശുപത്രിയിലേയ്ക്ക് മാറ്റി.
Post Your Comments