തേഞ്ഞിപ്പലം: മൊബൈല്‍ ഫോണ്‍ ഇല്ലാത്തതിനാല്‍ ഓണ്‍ലൈന്‍ പഠനത്തിന് പ്രയാസപ്പെട്ട വിദ്യാര്‍ഥിനിക്ക് മൊബൈലുമായി സുരേഷ് ഗോപി എം.പിയെത്തി. ചെട്ട്യാര്‍മാര്‍ട് അതിയാറത്ത് അംഗന്‍വാടിക്ക് സമീപത്തെ അമ്പാടി വീട്ടില്‍ കൃഷ്ണന്റെയും മീനകുമാരിയുടെയും മകള്‍ അരുന്ധതിക്കാണ് സുരേഷ് ഗോപി വീട്ടിലെത്തി മൊബൈല്‍ ഫോണ്‍ സമ്മാനിച്ചത്. ഇത് കൂടാതെ അദ്ദേഹം അരുന്ധതിക്ക് മധുരവും കൈമാറി.
രണ്ടാഴ്ച മുമ്പ് അരുന്ധതി സുരേഷ് ഗോപിയെ മൊബൈലില്‍ വിളിച്ച്‌ ഓണ്‍ലൈന്‍ പഠനത്തിന് പ്രയാസം ഉള്ളതായി അറിയിച്ചിരുന്നു. ഫോണെടുത്ത എം.പിയുടെ പി.എ വിവരം അറിയിക്കാമെന്നായിരുന്നു മറുപടി നല്‍കിയത്. കഴിഞ്ഞ ദിവസം രാത്രിയാണ് വീട്ടിലേക്ക് വരുന്ന വിവരം കുടുംബം അറിയുന്നത്.
Post Your Comments