വള്ളികുന്നം: കക്കൂസിൽ ചാരായം വാറ്റിയ യുവാവിനെ പോലീസ് അറസ്റ്റ് ചെയ്തു. കറ്റാനം കരിമുട്ടത്ത് ജംഗ്ഷന് സമീപം ശ്യാം നിവാസില്‍ ശ്യാമാണ് (37) പിടിയിലായത്. ഇയാളുടെ പക്കൽ നിന്ന് 15 ലിറ്റര്‍ ചാരായവും വാറ്റുപകരണങ്ങളും കണ്ടെടുത്തു. ഓണ നാളില്‍ ഉച്ചയോടെയായിരുന്നു സംഭവം.
അതേസമയം, ഓണത്തിന് മലയാളികൾ കുടിച്ചു തീർത്തത് റെക്കോർഡ് മദ്യമായിരുന്നു. ഓണമാഘോഷിക്കാൻ ഒരു വീട് നിറയെ മദ്യം സൂക്ഷിച്ച അബ്കാരിയെ കരുനാഗപ്പള്ളി പോലീസ് അറസ്റ്റ് ചെയ്തിരുന്നു. കരുനാഗപ്പള്ളി പൊലീസ് നടത്തിയ റെയ്ഡില്‍ വന്‍ വിദേശ മദ്യ ശേഖരമാണ് പിടികൂടിയത്. 135 ലിറ്റർ മദ്യമാണ് പോലീസ് കണ്ടെടുത്തത്.
ഓണത്തോടനുബന്ധിച്ച് കേരളത്തിന്റെ പലയിടങ്ങളിലും വ്യാജവാറ്റുകളും മറ്റും വ്യാപകമായിരുന്നു. ഇതോടെ കർശന നടപടികളെടുക്കാനാണ് പോലീസ് തീരുമാനം.
Post Your Comments