തിരുവനന്തപുരം: കരുവന്നൂർ സഹകരണ ബാങ്കിലെ തട്ടിപ്പിൽ സി പി എമ്മിനെതിരെ ആഞ്ഞടിച്ച് ഷാഫി പറമ്പിൽ. നടന്നത് നെറ്റ്ഫ്ലിക്സ് പരമ്പരകളെ വെല്ലുന്ന കൊള്ളയാണെന്നാണ് ഷാഫി പറമ്പില്‍ എം.എല്‍.എ. നിയമസഭയില്‍ നടത്തിയ പ്രസംഗത്തിൽ പറഞ്ഞത്. തട്ടിപ്പിന് പിന്നില്‍ സി.പി.എമ്മാണെന്നും ഷാഫി പറമ്പിൽ വിമർശിച്ചു. നൂറു കോടിയോളം രൂപയുടെ തട്ടിപ്പാട് കരുവന്നൂർ സഹകരണ ബാങ്കിൽ നടന്നത്.
കേരളം കണ്ടതില്‍വെച്ച്‌ ഏറ്റവും വലിയ ബാങ്ക് കൊള്ളയാണ് കരുവന്നൂരില്‍ നടന്നത്. ജില്ലയില്‍ മാത്രം പ്രവര്‍ത്തിക്കേണ്ട ബാങ്ക് തിരുവനന്തപുരം മുതല്‍ വയനാട് വരെ വായ്പ നല്‍കി. തട്ടിപ്പ് സി.പി.എം പൂഴ്ത്തിയെന്നും ഷാഫി പറമ്പിൽ നിയമസഭയിൽ വിമർശിച്ചു.
‘കേട്ടുകേള്‍വിയില്ലാത്ത തട്ടിപ്പാണ് നടന്നത്. ലോക്ഡൗണ്‍ കാലത്ത് വീട്ടിലിരിക്കുമ്പോള്‍ ഓണ്‍ലൈന്‍ പ്ലാറ്റ്ഫോമുകളിലെ സീരിസുകളാണ് പലരും കാണുന്നത്. ഇതില്‍ തന്നെ ഹെയ്സ്റ്റ് സീരിസുകള്‍ക്കാണ് കൂടുതല്‍ പ്രേക്ഷകരുള്ളത്. ഇത്തരം പരമ്പരകളെ പോലും നാണിപ്പിക്കുന്ന തട്ടിപ്പാണ് കരുവന്നൂരില്‍ നടന്ന’തെന്നും ഷാഫി പറമ്പില്‍ പറഞ്ഞു’.
Post Your Comments