ന്യൂഡല്‍ഹി: തൃണമൂലൽ കോണ്‍ഗ്രസ് വിട്ട് ബി.ജെ.പിയില്‍ ചേര്‍ന്ന മുന്‍ കേന്ദ്രമന്ത്രി ജിതിന്‍ പ്രസാദ ഉത്തര്‍ പ്രദേശ് മുഖ്യമന്ത്രി യോഗി ആദിത്യനാഥിനെ സന്ദര്‍ശിച്ചു. 10 ദിവസം പിന്നിട്ടതിന് പിന്നാലെയാണ് ജിതിന്റെ ഈ സന്ദർശനം. സര്‍ക്കാറിന്‍റെ ക്ഷേമപദ്ധതികളെ കുറിച്ചും പാര്‍ട്ടി സംവിധാനം ശക്തിപ്പെടുത്തുന്നത് സംബന്ധിച്ചും പാര്‍ട്ടി സന്ദേശം ജനങ്ങളിലേക്ക് എത്തിക്കുന്നതിനെ കുറിച്ചും ചര്‍ച്ച ചെയ്തതായി ജിതിന്‍ പ്രസാദ പറഞ്ഞു.
Also Read:പുഴയിൽ കുളിക്കാനിറങ്ങിയ രണ്ട് യുവാക്കളെ കാണാതായി
‘പ്രധാനമന്ത്രി നരേന്ദ്ര മോദി, പാര്‍ട്ടി ദേശീയ അധ്യക്ഷന്‍ ജെ.പി നഡ്ഡ, ആഭ്യന്തര മന്ത്രി അമിത് ഷാ എന്നിവരുടെ ആശീര്‍വാദത്തോടെ ബി.ജെ.പിയില്‍ ചേരാനുള്ള അവസരം എനിക്ക് കെവന്നു. എന്‍റെ സ്വന്തം നാട്ടിലേക്കുള്ള ആദ്യ സന്ദര്‍ശനമായിരുന്നു ഇത്. ഞാന്‍ മുഖ്യമന്ത്രിയുടെ അനുഗ്രഹം വാങ്ങി’-ജിതിന്‍ വാര്‍ത്ത ഏജന്‍സിയായ എ.എന്‍.ഐയോട് പറഞ്ഞു.
വരാനിരിക്കുന്ന നിയമസഭ തെരഞ്ഞെടുപ്പിൽ ബി.ജെ.പി യ്ക്ക് ജിതിന്‍പ്രസാദയിലൂടെ നേട്ടമുണ്ടാക്കാൻ സാധിക്കുമെന്നാണ് പ്രവർത്തകർ കരുതുന്നത്.
യു.പി.എ സര്‍ക്കാറില്‍ മന്ത്രിയായിരുന്ന ജിതിന്‍ സംസ്ഥാനത്തെ പേരുകേട്ട കുടുംബാംഗമാണ്. ജിതിന്റെ വരവോടെ കൂടുതൽ ജനകീയമായി പ്രവർത്തിക്കാമെന്നും, താഴെത്തട്ടിലുള്ള മനുഷ്യരുടെ പ്രശ്നങ്ങളെ കണ്ടറിയാമെന്നുമാണ് ബി.ജെ.പി ലക്ഷ്യം വെക്കുന്നത്.
Post Your Comments