കണ്ണൂര്‍ : കലുങ്ക് വൃത്തിയാക്കുന്നതിനിടെ വടിവാളുകള്‍ കണ്ടെത്തി. തലശ്ശേരിയില്‍ ദേശീയ പാതയ്ക്ക് സമീപമുള്ള പുന്നോല്‍ മാപ്പിള എല്‍പി സ്‌കൂളിനടുത്ത് നിന്നാണ് ചാക്കിൽ സൂക്ഷിച്ച നിലയിൽ വടിവാളുകള്‍ കണ്ടെത്തിയത്.
ആറ് വടിവാളുകളാണ് ചാക്കിൽ ഉണ്ടായിരുന്നത്. ഒരു വര്‍ഷം മുന്‍പ് ഒളിപ്പിച്ച വടിവാളുകളാണ് ഇതെന്നാണ് പോലീസ് നിഗമനം. ഈ മാസം ഇത് രണ്ടാം തവണയാണ് കണ്ണൂരില്‍ നിന്നും വടിവാളുകള്‍ കണ്ടെടുക്കുന്നത്. സംഭവത്തില്‍ പോലീസ് അന്വേഷണം ആരംഭിച്ചു.
മെയ് മൂന്നിന് പിണറായിയില്‍ ഉമ്മന്‍ചിറ കുഞ്ഞിപ്പള്ളിയ്ക്ക് സമീപമുള്ള സ്വകാര്യ വ്യക്തിയുടെ സ്ഥലത്തു നിന്നും എട്ടോളം വടിവാളുകള്‍ കണ്ടെടുത്തിരുന്നു.
Post Your Comments