വാക്‌സിൻ എടുക്കാൻ രജിസ്റ്റർ ചെയ്യേണ്ടത് എങ്ങനെ ? ആർക്കൊക്കെ വാക്‌സിൻ സ്വീകരിക്കാം ?

ന്യൂഡല്‍ഹി: 18 വയസിന്​ മുകളില്‍ പ്രായമുള്ള എല്ലാവരെയും വാക്​സിനേഷന്​ വിധേയമാക്കുന്നതിനുള്ള യജ്ഞത്തിന്​ മെയ്​ ഒന്നിന്​ തുടക്കമാകുമെന്ന്​ കേന്ദ്ര സര്‍ക്കാര്‍ തിങ്കളാഴ്ച പ്രഖ്യാപിച്ചിരുന്നു.
കോവിഡ്​ വ്യാപനം അതിഗുരുതരാവസ്​ഥയിലെത്തിയ സാഹചര്യത്തില്‍ തിങ്കളാഴ്​ച പ്രധാനമന്ത്രി നരേന്ദ്ര മോദിയുടെ അധ്യക്ഷതയില്‍ നടന്ന ഉന്നതതല യോഗത്തിലാണ്​ 18 വയസ്സിന്​ മുകളിലുള്ളവര്‍ക്ക്​ വാക്​സിന്‍ നല്‍കാന്‍ തീരുമാനിച്ചത്​.
കോണ്‍ഗ്രസ്​ നേതാവ്​ രാഹുല്‍ ഗാന്ധിയും വിവിധ മുഖ്യമന്ത്രിമാരും എല്ലാവര്‍ക്കും വാക്​സിന്‍ നല്‍കണമെന്ന്​ കേന്ദ്രത്തോട്​ നിരന്തരം ആവശ്യപ്പട്ടിരുന്നു.
സര്‍ക്കാറിന്​ കീഴിലെ കോവിഡ്​ സെന്‍ററുകളില്‍ വാക്​സിനേഷന്‍ സൗജന്യമായിരിക്കും.

Also Read:ജോജി മോഡൽ കൊലപാതകശ്രമം ; കൊച്ചിയിൽ യുവാവിനെ സുഹൃത്ത് എയര്‍ഗണ്‍ ഉപയോഗിച്ച്‌ വെടിവച്ചു

മൂന്നാം ഘട്ടത്തിന്‍റെ ഭാഗമായി കോവിന്‍ ആപ്പിലൂടെ വാക്​സിനേഷനായി എങ്ങനെ രജിസ്റ്റര്‍ ചെയ്യാം

കോവിന്‍ ഔദ്യോഗിക വെബ്​സൈറ്റായ https://www.cowin.gov.in/home സന്ദര്‍ശിക്കുക
നിങ്ങളുടെ 10 അക്ക മൊബൈല്‍ നമ്ബറോ ആധാര്‍ നമ്ബറോ നല്‍കുക
മൊബൈല്‍ നമ്പറില്‍ ലഭിക്കുന്ന ഒ.ടി.പി നമ്പർ നിശ്ചിത സ്​ഥലത്ത്​ പൂരിപ്പിക്കുക
രജിസ്​ട്രേഷന്‍ പൂര്‍ത്തിയായാല്‍ വാക്​സിനേഷനായി സൗകര്യപ്രദമായ ദിവസവും സമയവും തെരഞ്ഞെടുക്കുക
കോവിഡ്​ വാക്​സിന്‍ സ്വീകരിക്കുക
ഇതിന്​ ശേഷം ലഭിക്കുന്ന റഫറന്‍സ്​ ഐ.ഡി വെച്ച്‌​ നിങ്ങള്‍ക്ക്​ വാക്​സിനേഷന്‍ സര്‍ട്ടിഫിക്കറ്റ്​ ലഭിക്കും.

വാക്​സിനേഷന്‍ മൂന്നാം ഘട്ടത്തിനാവശ്യമായ രേഖകള്‍:

വാക്​സിനേഷനായി രജിസ്റ്റര്‍ചെയ്യുന്ന വേളയില്‍ ഫോ​ട്ടോ പതിച്ച ഏതെങ്കിലും ഒരു തിരിച്ചറിയല്‍ രേഖ വേണം.

ആധാര്‍ കാര്‍ഡ്​
പാന്‍ കാര്‍ഡ്​
വോട്ടര്‍ ഐ.ഡി
ഡ്രൈവിങ്​ ലൈസന്‍സ്​
പാസ്​പോര്‍ട്ട്​
തൊഴില്‍ മന്ത്രാലയം അനുവദിച്ച ​ആരോഗ്യ ഇന്‍ഷൂറന്‍സ്​ സ്​മാര്‍ട്ട്​ കാര്‍ഡ്​
മഹാത്മ ഗാന്ധി ദേശീയ തൊഴിലുറപ്പ്​ പദ്ധതി തൊഴില്‍ കാര്‍ഡ്​
എം.പി/എം.എല്‍.എ/എം.എല്‍.സി എന്നിവര്‍ക്ക്​ അനുവദിച്ച ഔദ്യോഗിക തിരിച്ചറിയല്‍ രേഖ
ബാങ്ക്​/പോസ്റ്റ്​ ഓഫിസ്​ പാസ്​ബുക്ക്​
പെന്‍ഷന്‍ രേഖ
കേ​ന്ദ്ര/സംസ്​ഥാന സര്‍ക്കാറുകളോ പെതുമേഖലാ സ്​ഥാപനങ്ങളോ ജീവനക്കാര്‍ക്ക്​ അനുവദിക്കുന്ന സര്‍വിസ്​ ഐ.ഡി കാര്‍ഡ്​
മരുന്ന്​ നിര്‍മാതാക്കളില്‍ നിന്ന്​ കോവിഡ്​ വാക്​സിന്‍ നേരിട്ട്​ വാങ്ങാന്‍ കേന്ദ്രം സംസ്​ഥാനങ്ങളെ അനുവദിച്ചിരുന്നു. കേന്ദ്ര സര്‍ക്കാറി​െന്‍റ നിയന്ത്രണങ്ങള്‍ വാക്​സിന്‍ ക്ഷാമത്തിന്​ ഇടയാക്കിയെന്ന വ്യാപക പരാതിയെ തുടര്‍ന്നാണ്​ നയമാറ്റം.
കേന്ദ്രസര്‍ക്കാറാണ്​ വിവിധ സംസ്​ഥാനങ്ങള്‍ക്കുള്ള വാക്​സിന്‍ ക്വോട്ട നിശ്ചയിച്ചു നല്‍കിപ്പോന്നത്​. ഇനി സംസ്​ഥാനങ്ങള്‍ക്ക്​ നേരിട്ട്​ നിര്‍മാതാക്കളെ സമീപിക്കാം.

കമ്പനികളുടെ പക്കല്‍ വിതരണം ചെയ്യാനുള്ളതിന്റെ പകുതി ഇങ്ങനെ സംസ്​ഥാനങ്ങള്‍ക്കും തുറന്ന വിപണിയിലുമായി നല്‍കാം. വില മുന്‍കൂട്ടി നിശ്ചയിച്ചിരിക്കണം. ബാക്കി പകുതി കേന്ദ്ര ഡ്രഗ്​സ്​ ലബോറട്ടറി മുഖേന വിതരണം ചെയ്യാനുള്ളതാണ്​.
കേന്ദ്ര സര്‍ക്കാറി​ന്റെ വാക്​സിന്‍ കേന്ദ്രങ്ങളില്‍ ആരോഗ്യ പ്രവര്‍ത്തകര്‍, മറ്റു മുന്‍നിര പ്രതിരോധ പ്രവര്‍ത്തകര്‍, 45 വയസ്സ്​​ കഴിഞ്ഞവര്‍ എന്നിവര്‍ക്ക്​ കുത്തിവെപ്പ്​​ സൗജന്യമായിരിക്കും.