കുറഞ്ഞ വിലയിൽ തകർപ്പൻ മൈലേജുമായി ഒറ്റ ചക്രത്തിലോടുന്ന ഇലക്ട്രിക്ക് ബൈക്ക് എത്തി

വ്യത്യസ്ത തരത്തിലുള്ള രൂപവും ശബ്ദവും ഉള്ള ബൈക്കുകൾ റൈഡിംഗ് യുവാക്കള്‍ക്കൊരു ഹരമാണ്. അതുകൊണ്ടു തന്നെ ബൈക്ക് റൈഡിംഗില്‍ വേറിട്ടൊരു ആശയവുമായി എത്തിയിരിക്കുകയാണ് ആലിബാബ. ഒറ്റ ചക്രത്തില്‍ ഓടിക്കാന്‍ സാധിക്കാവുന്ന തരത്തിലുള്ള പുതിയ ഇലക്ട്രിക് ബൈക്കാണ് അലിബാബ പുറത്ത് ഇറക്കിയിരിക്കുന്നത്.

Read Also : വിഷു നാളിൽ ഗുരുവായൂരപ്പന് വെണ്ണക്കണ്ണന്റെ ചിത്രം സമര്‍പ്പിച്ച്‌ മുസ്ലിം യുവതി

വാഹന പ്രേമികള്‍ക്കിടയില്‍ ഈ ബൈക്കിന് എത്രത്തോളം സ്വീകാര്യത ഉണ്ടാകുമെന്നത് അറിയേണ്ടതു തന്നെയാണ്. 1,500 ഡോളര്‍ ( ഏകദേശം 1.34 ലക്ഷം രൂപ ) ആണ് ഇതിന്റെ വില.സ്റ്റീല്‍ ട്രെല്ലിസ് ഫ്രെയിമും ഇന്ധന ടാങ്കും ചേര്‍ന്ന പ്രത്യേക തരത്തിലാണ് ബൈക്കിന്റെ രൂപകല്പന. പിന്നില്‍ ഒരു സീറ്റുമുണ്ട്. മുന്നിലേക്ക് ആഞ്ഞാല്‍ ഇ – ബൈക്ക് ഓടിതുടങ്ങും. പിന്നിലേക്ക് ചാഞ്ഞാല്‍ വേഗത കുറയ്ക്കാന്‍ സാധിക്കും. 3.48 കിലോമീറ്റര്‍ വേഗതയില്‍ ഈ ബൈക്കിന് സഞ്ചരിക്കാന്‍ സാധിക്കും.

ബൈക്കിലെ ഇലക്ട്രിക് മോട്ടോര്‍ 2,000 വാട്ട് കരുത്ത് ഉല്‍പ്പാദിപ്പിക്കുന്നു .പൂര്‍ണ്ണമായി ചാര്‍ജ് ചെയ്ത് കഴിഞ്ഞാല്‍ 60-100 കിലോമീറ്റര്‍ നല്‍കുന്നതാണ് ഇവിക്കുള്ളിലെ പാനസോണിക് ബാറ്ററി പായ്ക്ക്. ഈ ബൈക്ക് ഫുള്‍ ചാര്‍ജ് ആകാന്‍ വേണ്ടി വരുന്ന സമയം മൂന്ന് മുതല്‍ പന്ത്രണ്ട് മണിക്കൂര്‍ വരെയാണ്. 40 കിലോഗ്രാം മാത്രമാണ് ഇതിന്റെ ഭാരം. സൈക്കിള്‍ കഴിഞ്ഞാല്‍ ഏറ്റവും ഭാരം കുറഞ്ഞ വാഹനം ആകും ഇത്.