കോഴിക്കോട്: കോഴിക്കോട് നഗരത്തിന്റെ വിവിധ ഭാഗങ്ങളിലേക്ക് അനധികൃതമായി കടത്തുകയായിരുന്ന കുഴല്‍ പണവുമായി കുന്ദമംഗലം സ്വദേശികളായ മൂന്ന് യുവാക്കളെ പൊലിസ് അറസ്റ്റ് ചെയ്തിരിക്കുന്നു. മുറിയനാല്‍ അബാബീല്‍ വീട്ടില്‍ ഫവാസ് (23), പതിമംഗലം വട്ടുവാള്‍ വീട്ടില്‍ ഷാദില്‍ (20), കൊട്ടക്കായ വയല്‍ കോട്ടക്കല്‍ വീട്ടില്‍ മുഹമദ് അസ്‌ലം (21) എന്നിവരെയാണ് കോഴിക്കോട് മെഡിക്കല്‍ കോളേജ് എസിപി മുരളീധരന്റെ മേല്‍നോട്ടത്തിലുള്ള കോഴിക്കോട് സിറ്റി ക്രൈം സ്‌ക്വാഡും മെഡിക്കല്‍ കോളേജ് ഇന്‍സ്‌പെക്ടര്‍ ബെന്നി ലാലുവിന്റെ നേതൃത്വത്തിലുള്ള പൊലീസും ചേര്‍ന്ന് പിടികൂടിയിരിക്കുന്നത്.
ഇവരില്‍ നിന്നും 21.02 ലക്ഷം രൂപ പൊലീസ് കണ്ടെത്തുകയുണ്ടായി. ഇവരെ വിശദമായി ചോദ്യം ചെയ്തതില്‍ നിന്നും നിരവധി യുവാക്കള്‍ ഈ മേഖലയില്‍ പ്രവൃത്തിക്കുന്നുണ്ടെന്ന് പൊലീസിന് വിവരം ലഭിച്ചിരിക്കുകയാണ് .
Post Your Comments