തെരഞ്ഞെടുപ്പ് പ്രചാരണവും ഡിജിറ്റലായി; സോഷ്യൽ മീഡിയ പ്രചാരണത്തിനായി പാർട്ടികൾ വക സൈബർ വാർ റൂമുകൾ സജ്ജം

ചുവരെഴുത്തുകളും, അ​നൗ​ണ്‍​സ്​​മെന്‍റ്​ വാ​ഹ​ന​ങ്ങ​ളും, നോട്ടീസുകളും കയ്യടക്കിയിരുന്ന കാലങ്ങളായുള്ള തെ​ര​ഞ്ഞെ​ടു​പ്പ്​ പ്ര​ചാ​ര​ണ മാർഗ്ഗങ്ങൾ പതിയെ സോഷ്യൽ മീഡിയകൾ കയ്യടക്കിയിരിക്കുകയാണ്. ക​ഴി​ഞ്ഞ ത​​ദ്ദേ​ശ തെ​ര​ഞ്ഞെ​ടു​പ്പി​ല്‍ കോ​വി​ഡ് മാനദണ്ഡങ്ങൾ കാരണം വീ​ടു​ക​ള്‍ ക​യ​റി വോ​ട്ട്​ ചോദിക്കുന്നതിനും, പ്ര​ചാ​ര​ണ​ത്തി​നും നി​യ​ന്ത്ര​ണ​മു​ണ്ടാ​യി​. ഇതോടെയാണ് വോ​ട്ട​ര്‍​മാ​രെ സാ​മൂ​ഹ മാ​ധ്യ​മ​ങ്ങ​ളി​ലൂ​ടെ ആ​ക​ര്‍​ഷി​ക്കാ​നു​ള്ള ത​ന്ത്ര​ങ്ങ​ള്‍ രാ​ഷ്​​ട്രീ​യ പാ​ര്‍​ട്ടി​ക​ള്‍ ആ​വി​ഷ്​​ക​രി​ച്ച​ത്.

സമൂഹമാധ്യമങ്ങളായ വാ​ട്​​സ്​​ആ​പ്പും, ഫേ​സ്​​ബു​ക്കും പാർട്ടികളുടെ മു​ഖ്യ​പ്ര​ചാ​ര​ണ ഉ​പാ​ധി​കളായി മാറി. നി​യ​മ​സ​ഭ തെ​ര​ഞ്ഞെ​ടു​പ്പി​ലും സോഷ്യൽ മീഡിയ ​പ്ര​ചാ​ര​ണ രീ​തി ത​ന്നെ പിന്തുടരുകയാണ്​​ രാ​ഷ്​​ട്രീ​യ പാ​ര്‍​ട്ടി​ക​ളും പ്ര​വ​ര്‍​ത്ത​ക​രും. ത​ങ്ങ​ളു​ടെ ആ​ശ​യ​ങ്ങ​ള്‍ വോ​ട്ട​ര്‍​മാരിലേക്ക് ​എ​ത്തി​ക്കാ​നും, സ്ഥാ​നാ​ര്‍​ഥി​യെ പ​രി​ച​യ​പ്പെ​ടു​ത്താ​നും, മറ്റ് പ്രചാരണ പരിപാടികൾക്കും രാ​ഷ്​​ട്രീ​യ പാ​ര്‍​ട്ടി​ക​ളെ​ല്ലാം സൈബർ വാ​ര്‍ റൂ​മു​ക​ള്‍ എന്ന സോഷ്യൽ മീഡിയ ഇടങ്ങൾ തയ്യാറാ​ക്കി​ത്തു​ട​ങ്ങി​യി​ട്ടു​ണ്ട്​. അതാത്​ പാ​ര്‍​ട്ടി നേ​താ​ക്ക​ള്‍ക്ക് ത​ന്നെ​യാ​ണ് സൈബ​ര്‍ വാ​ര്‍​റൂ​മി​നെ നി​രീ​ക്ഷണ ചുമതല.

ത​ദ്ദേ​ശ തെ​ര​ഞ്ഞെ​ടു​പ്പ്​ കാ​ല​ത്തു​ണ്ടാ​യി​രു​ന്ന സോഷ്യൽ മീഡിയ സംഘങ്ങളെ വി​പു​ലീ​ക​രി​ച്ചാ​ണ്​ പ്ര​ചാ​ര​ണം ശക്തമാക്കുന്നത്. സൈ​ബ​ര്‍ ടീ​മു​ക​ള്‍ ത​യാ​റാ​ക്കു​ന്ന ആ​ശ​യ​ങ്ങ​ള്‍ പ്ര​ത്യേ​ക സം​ഘ​ങ്ങ​ള്‍ വ​ഴി വോ​ട്ട​ര്‍​മാ​രി​ലേ​ക്കെ​ത്തു​ക​യാ​ണ്​ വാ​ര്‍ റൂ​മു​ക​ളു​ടെ ലക്‌ഷ്യം. നേ​താ​ക്ക​ളു​ടെ നി​ര്‍​ദേ​ശ​ങ്ങ​ള്‍ ഉ​ള്‍​ക്കൊ​ള്ളി​ച്ച്, വ്യ​ക്ത​മാ​യ പ്ലാ​നി​ങ്ങോ​ടെ‌​ ത​യാ​റാ​ക്കു​ന്ന ആശയ​ങ്ങ​ള്‍ എങ്ങനെ ജനങ്ങളിലേക്ക് എ​ത്തി​ക്ക​ണ​മെ​ന്ന്​ സൈബർ വാ​ര്‍ റൂ​മു​ക​ളിലെ അംഗങ്ങൾ തീ​രു​മാ​നി​ക്കും. പാർട്ടി പ്രവർത്തകർ ആ​ശ​യത്തിന് വേണ്ട വി​വ​ര​ങ്ങ​ള്‍ ശേ​ഖ​രി​ച്ച്‌​ വാ​ര്‍ റൂ​മു​ക​ള്‍​ക്ക്​ കൈ​മാ​റും.

തയ്യാറാക്കിയ പ്രചാരണ ആശയങ്ങൾ ആ​വ​ശ്യ​മാ​യ സൈ​ബ​ര്‍ പോ​രാ​ളി​ക​ളെ നി​ര​ത്തി ഇ​വ​ര്‍ സ​മൂ​ഹ മാ​ധ്യ​മ​ങ്ങ​ളി​ലൂ​ടെ പോ​സ്​​റ്റ്​ ചെ​യ്യും. വി​ക​സ​ന പ്ര​വ​ര്‍​ത്ത​ന​ങ്ങ​ള്‍ ജ​ന​ങ്ങ​ളി​ലേ​ക്ക്​ എ​ത്തി​ക്കാ​നാ​യി ട്രോ​ളു​ക​ളും ത​യാ​റാ​ക്കു​ക, സ്ഥാ​നാ​ര്‍​ഥി​ക​ളു​ടെ ഔ​ദ്യോ​ഗി​ക പ്രഖ്യാപനം വരുമ്പോൾ ഇ​വ​രെ പ​രി​ച​യ​പ്പെ​ടു​ത്തു​ന്നത്തിനായി ഫേ​സ്​​ബു​ക്കി​ലും വാ​ട്​​സ്​​ആ​പ്പി​ലും മ​ണ്ഡ​ല​ത്തി​ലേ​ക്ക്​ സ്വാ​ഗ​തം ചെ​യ്​​തുള്ള പോ​സ്​​റ്റു​ക​ള്‍ പ്ര​ച​രി​പ്പി​ക്കുക തുടങ്ങിയവയും സൈബർ വാർ റൂമുകളുടെ ജോലിയാണ്.

സോ​ഷ്യ​ല്‍ മീ​ഡി​യ​യി​ലൂ​ടെ ഡി​ജി​റ്റ​ല്‍ പ്ര​ചാ​ര​ണ​ത്തി​നു​ പു​റ​മെ ഫേ​സ്​​ബു​ക്ക്,​ വാ​ട്​​സ്​ അ​പ്​ കൂ​ട്ടാ​യ്​​മ​ക​ള്‍ സ​ജീ​വ​മാ​ക്കു​ക, സ്ഥാ​നാ​ര്‍​ഥി​ക​ളു​ടെ പ്ര​ചാ​ര​ണ പ​രി​പാ​ടി​ക​ള്‍ അ​വ​ലോ​ക​നം ചെ​യ്യു​ക​യും, നേരിട്ട് ആ​ളു​ക​ളി​ലേ​ക്ക്​ എ​ത്തി​ക്കു​ക​യും ചെ​യ്യു​ എന്നിവയോടൊപ്പം എതിർ സ്ഥാനാർത്ഥിയുടെ ആശയങ്ങക്കെതിരെ ട്രോളുകൾ നിർമ്മിക്കുക, വസ്തുതകൾ നിരത്തി പ്രചാരണ മാർഗങ്ങളുടെ മുനയൊടിക്കുക തുടങ്ങിയവയും സൈബർ വാർ റൂമുകളുടെ നിയന്ത്രണത്തിൽ വരുന്നു.