വിദേശത്ത് നിന്നെത്തിയ യുവതിയെ തട്ടിക്കൊണ്ടുപോയ സംഭവം; പ്രതികൾ പിടിയിൽ

ചെങ്ങന്നൂർ (ആലപ്പുഴ): ദുബൈയിൽ നിന്നെത്തിയ മാന്നാർ കുരട്ടിക്കാട് വിസ്മയ വിലാസത്തിൽ ബിന്ദു ബിനോയിയെ സായുധസംഘം തട്ടിക്കൊണ്ടുപോയ സംഭവത്തിൽ പ്രധാന പ്രതികളിൽ അഞ്ചു​പേർ അറസ്റ്റിൽ ആയിരിക്കുന്നു. പൊന്നാനി ആനപ്പാടി പാലക്കൽ ഫഹദ് (35), എറണാകുളം പറവൂർ മന്നം കാഞ്ഞിരംപറമ്പിൽ അൻഷാദ് ഹമീദ് (30), തിരുവല്ല ശങ്കരമംഗലം വീട്ടിൽ വിനോ വർഗീസ്, കടപ്ര പരുമല തിക്കപ്പുഴ മലയിൽ തെക്കേതിൽ ശിവപ്രസാദ് (37), പരുമല കോട്ടയ്​ക്കൽ മാലി കോളനിയിൽ സുബീർ (കൊച്ചുമോൻ-38) എന്നിവരെയാണ് ചെങ്ങന്നൂർ ഡിവൈ.എസ്.പി ആർ. ജോസി​െൻറ മേൽനോട്ടത്തിലുള്ള പ്രത്യേക അന്വേഷണസംഘം വിവിധ സ്ഥലങ്ങളിൽ നിന്ന് പിടികൂടിയിരിക്കുന്നത്​.

ദുബൈയിൽ നിന്ന്​ പൊതിയിലാക്കി കൊടുത്തയച്ച സ്വർണം ​ൈകക്കലാക്കാനാണ്​ യുവതിയെ മാന്നാറിലെ വീട്ടിൽനിന്ന്​ തട്ടിക്കൊണ്ടുപോയി മർദ്ദിച്ച് ​ പാലക്കാട്​ വടക്കഞ്ചേരിക്ക്​ സമീപം ഉപേക്ഷിച്ചത്​.​ ഭർത്താവ് ബിനോയിയെ തട്ടിക്കൊണ്ടുപോയി തടവിലാക്കി സ്വർണത്തിനുവേണ്ടി വിലപേശാനുള്ള തന്ത്രം പാളിയതോടെയാണ്​ ബിന്ദുവിനെ ഇവർ തട്ടിക്കൊണ്ടുപോയത്​.

മൂന്നുതലത്തിലായി നടത്തിയ കുറ്റകൃത്യത്തിൽ 20ലധികം പ്രതികളുണ്ടെന്നും ഇവരെയെല്ലാം തിരിച്ചറിഞ്ഞിട്ടുണ്ടെന്നും പൊലീസ്​ പറയുകയുണ്ടായി. ഒന്നര കിലോഗ്രാം സ്വർണമാണ് ബിന്ദുവി​െൻറ കൈവശം കൊടുത്ത് വിട്ടത്. തന്നെ ഏൽപ്പിച്ച പൊതി സ്വർണമാണെന്ന്​ അറിഞ്ഞപ്പോൾ ദുബൈയിൽനിന്നുള്ള യാത്രാമധ്യേ മാലി വിമാനത്താവളത്തിൽ ഉപേക്ഷിച്ചെന്നായിരുന്നു ബിന്ദുവി​െൻറ മൊഴി. പ്രതികളെ ശനിയാഴ്​ച കോടതിയിൽ ഹാജരാക്കി റിമാൻഡിലായ ശേഷം കസ്​റ്റഡിയിൽ വാങ്ങി വിശദമായ തെളിവെടുപ്പും അന്വേഷണവും നടത്തും.