മുൻപ് സച്ചിൻ തെണ്ടുൽക്കറെ അറിയില്ലെന്ന് പറഞ്ഞതിന് മലയാളികളുടെ പൊങ്കാലയിടൽ വാരിക്കൂട്ടിയ ടെന്നിസ് താരമാണ് മരിയ ഷറപ്പോവ. രണ്ട് വർഷങ്ങൾക്കിപ്പുറം അന്ന് പൊങ്കാലയിട്ട അതേ മലയാളികളുടെ തിരിച്ചുവരവ് കണ്ട് ഷറപ്പോവ അമ്പരക്കുന്നുണ്ടാകാം.സമയം കടന്നു പോകുന്തോറും ഷറപ്പോവയുടെ ഫെയ്‌സ്ബുക്ക് പേജില്‍ മലയാളം നിറയുകയാണ്. ഷറപ്പോവ ഒടുവില്‍ പങ്കുവെച്ച ഫെയ്‌സ്ബുക്ക് പോസ്റ്റിന് താഴെ ഇക്കുറി മലയാളികളുടെ സ്നേഹപ്രകടനവും മാപ്പു പറച്ചിലും കൊണ്ടാണ് കമന്റുകൾ നിറയുന്നത്. പലരും രണ്ട് വര്‍ഷം മുമ്പ് സച്ചിന്‍ തെണ്ടുൽക്കറെ അറിയില്ലെന്ന് പറഞ്ഞത് കേട്ട് ചീത്തവിളിച്ചതിനും തെറിവിളിച്ചതിനും മാപ്പ് പറഞ്ഞും ക്ഷമാപണം നടത്തിയുമാണ് കമന്റ് ചെയ്തിരിക്കുന്നത്.
Also read : അടുത്ത റിപ്പബ്ലിക് ദിന പരേഡ് സെൻട്രൽ വിസ്ത വീഥിയിൽ : സെൻട്രൽ വിസ്ത അവന്യൂവിന്റെ ഭൂമി പൂജ നടത്തി
കര്‍ഷക സമരത്തെ പിന്തുണച്ച് വിദേശികളായ പ്രമുഖര്‍ ട്വീറ്റുകള്‍ പങ്കുവച്ചിരുന്നു. അതിന് മറുപടിയെന്നോണം ഇന്ത്യ പ്രൊപ്പഗണ്ടയ്‌ക്കെതിരാണെന്നും ഇന്ത്യയുടെ ആഭ്യന്തര പ്രശ്‌നങ്ങളില്‍ പുറത്തുനിന്നുള്ളവര്‍ ഇടപെടേണ്ടതില്ലെന്നുമെല്ലാം പറയുന്ന ക്യാമ്പയിനില്‍ പങ്കെടുത്ത ഇന്ത്യയിലെ പ്രമുഖരില്‍ ഒരാളാണ് ക്രിക്കറ്റ് താരം സച്ചിന്‍ തെണ്ടുൽക്കര്‍. ഇതോടെ സച്ചിനെ അറിയില്ലെന്ന് പറഞ്ഞ ഷറപ്പോവയായിരുന്നു ശരിയെന്ന് ഒരു വിഭാഗം പറഞ്ഞു. വൈകാതെ ഇതൊരു ട്രെന്‍ഡായി മാറുകയായിരുന്നു. അങ്ങനെയാണ് ഷറപ്പോവയോട് മാപ്പ് പറഞ്ഞുള്ള കമന്റുകള്‍ ഫെയ്‌സ്ബുക്കിലും ട്വിറ്ററിലും നിറഞ്ഞത്.
Post Your Comments