ഇന്ത്യയിൽ ഏറ്റവും കൂടുതൽ കോവിഡ് രോഗ പകർച്ചയുള്ളത് കേരളത്തിൽ ,സംസ്ഥാനത്തിൻ്റെ അവസ്ഥ ആശങ്കാജനകം

ഡൽഹി: രാജ്യത്ത്​ കോവഡിൻ്റെ പകർച്ച ഏറ്റവും കൂടുതലുള്ള സംസ്ഥാനം കേരളമാണ് എന്ന് പുതിയ കണക്കുകൾ. കോവിഡിൻ്റെ പകർച്ച രേഖപ്പെടുത്തുന്ന ‘ആർ’ വാല്യു ഇന്ത്യയൊട്ടാകെയുള്ള കണക്ക് പ്രകാരം 0.90 ൽ നിൽക്കുമ്പോൾ കേരളത്തിൽ ഇത് 1.05 ആണ്. ദേശീയ കണക്കിനേക്കാൾ കൂടുതലാണ് കേരളത്തിൻ്റെ ‘ ആർ ‘ വാല്യൂ എന്നതാണ് ആശങ്ക ജനിപ്പിക്കുന്നത് എന്ന് ഒരു പ്രമുഖ ദേശീയ മാധ്യമം റിപ്പോർട്ടു ചെയ്യുന്നു. കേരളത്തിൽ കഴിഞ്ഞയാഴ്ച്ച ‘ആർ’ വാല്യൂ 1.04 ഉണ്ടായിരുന്നതാണ് വർദ്ധിച്ച്​ 1.05ലെത്തിയിരിക്കുന്നത്.

Also related: വെടിനിർത്തൽ കരാർ ലംഘനം: 2020ൽ 18 വർഷത്തിനിടയിലെ ഏറ്റവും ഉയർന്ന കണക്ക്, 5100 കരാർ ലംഘനങ്ങളിൽ കൊല്ലപ്പെട്ടത്‌ 36 പേർ

രാജ്യത്ത്​ ഏറ്റവും കൂടുതൽ ആക്​ടീവ്​ കേസുകളുള്ള 15 സംസ്​ഥാനങ്ങളിൽ കേരളമൊഴി​കെ മറ്റിടങ്ങളിലെല്ലാം ആർ വാല്യൂ ഒന്നിൽ താഴെയാണ്​. രാജ്യത്ത്​ ഏറ്റവും കൂടുതൽ ആക്​ടീവ്​ കേസുകളുള്ള കേരളത്തിൽ ‘​ ആർ ‘ വാല്യൂ ഉയരുന്നത്​ ആശങ്കജനകമാണ് എന്നാണ് വിദഗ്ദർ പറയുന്നത്.

Also related: കോവിഡ് പരിശോധനാഫലം ഇനി അരമണിക്കൂറിനുള്ളില്‍ ; പരിശോധന നിരക്ക് അറിയാം

വൈറസ് ഒരു രോഗിയിൽനിന്ന്​ മറ്റുള്ളവരിലേക്ക്​ പകർന്ന് രോഗം പടരുന്നതിനെ അടിസ്​ഥാനമാക്കിയാണ്​ ‘ആർ’ വാല്യൂ കണക്കാക്കുന്നത്​. ‘ആർ’ വാല്യൂ ഒന്നിൽ കുറവാണെങ്കിൽ  കോവിഡ് വ്യാപനം കുറയുന്നു എന്നാണ് കണക്കാക്കപ്പെടുന്നത്.