കൊച്ചി: കനകമല ഐ എസ് കേസിൽ ബന്ധമുണ്ടെന്ന് സംശയിക്കുന്ന കോഴിക്കോട് സ്വദേശിയുടെ രഹസ്യമൊഴിയെടുക്കാൻ എൻഐഎ തീരുമാനം. കേരളത്തിലും തമിഴ്നാട്ടിലും ഭീകര ആക്രമണങ്ങൾക്കു പദ്ധതിയിടാൻ 2016 ഒക്ടോബർ 2നു കണ്ണൂർ കനകമലയിൽ ഒത്തുകൂടി ഗൂഢാലോചന നടത്തിയെന്ന കേസിലാണ് എൻഐഎ ഈ നീക്കം തുടങ്ങിയത്.
സൗദിയിൽ നിന്നും നാട് കടത്തപ്പെട്ട ഐ എസുമായി ബന്ധമുള്ള രണ്ടു പേരെ ചോദ്യം ചെയ്തപ്പോഴാണ് കോഴിക്കോട് സ്വദേശിയെപ്പറ്റിയുള്ള സുപ്രധാന വിവരങ്ങൾ ദേശീയ അന്വേഷണ സംഘത്തിന് ലഭിച്ചത്. ഇവർ മൂവരും കോഴിക്കോട് ഒരു ഭക്ഷണശാലയിൽ വെച്ച് ഗൂഢാലോചന നടത്തിയതായി എൻഐഎ കണ്ടെത്തി.
ഇതിൻ്റ അടിസ്ഥാനത്തിൽ ഇയാളെ ചോദ്യം ചെയ്ത ശേഷം രഹസ്യമൊഴി രേഖപ്പെടുത്തി സാക്ഷിയാക്കാനുള്ള നീക്കത്തിലാണ് എൻഐഎ . എൻഐഎ അപേക്ഷ നൽകിയ പശ്ചാത്തലത്തിൽ എറണാകുളം ചീഫ് ജുഡീഷ്യൽ മജിസ്ട്രേറ്റ് കോടതിയിൽ ഇയാളുടെ രഹസ്യമൊഴി രേഖപ്പെടുത്താൻ മജിസ്ടേറ്റിനെ ചുമതലപ്പെടുത്തും
Post Your Comments