ആലപ്പുഴ: ചേര്‍ത്തലയില്‍ അനധികൃതമായി കടത്താൻ ശ്രമിച്ച 19 കിലോഗ്രാം കഞ്ചാവ് എക്സൈസ് പിടികൂടിയിരിക്കുന്നു. കഞ്ചാവ് കടത്താന്‍ ശ്രമിച്ച ഒരാളെ അറസ്റ്റ് ചെയ്യുകയുണ്ടായി. സംസ്ഥാനത്ത് ലഹരിമരുന്നിന്റെ വിപണനവും ഉപയോഗവും വ്യാപിച്ചതിന്റെ സാഹചര്യത്തില്‍ ക്രിസ്മസ്-ന്യൂയര്‍ സ്പെഷ്യല്‍ ഡ്രൈവില്‍ ജില്ലയില്‍ എക്സൈസ് പരിശോധന ശക്തമാക്കിയിരിക്കുകയാണ്.
ഇതിനെ തുടര്‍ന്ന് ആലപ്പുഴ എക്സൈസ് സ്പെഷ്യല്‍ സ്‌ക്വാഡ് സര്‍ക്കിള്‍ ഇന്‍സ്‌പെക്ടര്‍ ആര്‍. ബിജുകുമാറിന്റെ നേതൃത്വത്തില്‍ ചേര്‍ത്തല, അരൂര്‍ പ്രദേശങ്ങളില്‍ നടത്തിയ റെയിഡിലാണ് കഞ്ചാവ് പിടികൂടിയത് .
എരമല്ലൂര്‍ മിഥില ബാറിനു സമീപം വെച്ചാണ് 19 കിലോഗ്രാം കഞ്ചാവ് കൈവശം സൂക്ഷിച്ച്‌ കടത്തിക്കൊണ്ട് വന്ന കുറ്റത്തിന് ചേര്‍ത്തല പാണാവള്ളി സ്വദേശി അലി മകന്‍ സജീര്‍ (36/2020) എന്നയാളെ എന്‍ ഡി പി എസ് ആക്‌ട് പ്രകാരം അറസ്റ്റ് ചെയ്തിരിക്കുന്നത്.
Post Your Comments