കൊച്ചി : നയതന്ത്ര ബാഗേജ് വഴി വന്ന മതഗ്രന്ഥത്തിന്റെ സാംപിള്‍ വരുത്തി കസ്റ്റംസ് തൂക്കം പരിശോധിച്ചു. ഒരു മതഗ്രന്ഥം 576 ഗ്രാം ആണെന്നാണ് കണ്ടെത്തല്‍. മുഴുവന്‍ പാക്കറ്റുകളും പരിശോധിക്കും. മതഗ്രന്ഥം എന്ന് രേഖപ്പെടുത്തി 250 പാക്കറ്റുകള്‍ ആണ് ആകെ വന്നത്. വിശദമായ അന്വേഷണം നടത്തുമെന്ന് കസ്റ്റംസ് അറിയിച്ചു.
ഇത്തരത്തിൽ യു എ ഇ കോൺസുലേറ്റിൽ നിന്ന് സി ആപ്റ്റിലേക്ക് മുപ്പത്തിരണ്ടുപെട്ടികളാണ് എത്തിയത്. ഇതിൽ രണ്ടെണ്ണം ജീവനക്കാരുടെ മുന്നിൽവച്ച് പൊട്ടിച്ചു. ശേഷിച്ച മുപ്പതുപെട്ടികൾ പൊട്ടിക്കാതെ സി ആപ്റ്റിന്റെ വാഹനത്തിൽ മലപ്പുറത്തേക്ക് കൊണ്ടുപോവുകയായിരുന്നു. ഈ പെട്ടികളിൽ മതഗ്രന്ഥത്തിന്
പുറമേ മറ്റെന്തെങ്കിലും ഉണ്ടായിരുന്നോ എന്നാണ് കസ്റ്റംസ് അന്വേഷിക്കുന്നത്. ഇതിനാണ് മതഗ്രന്ഥത്തിന്റെ തൂക്കംപരിശോധിച്ചത്.
മതഗ്രന്ഥങ്ങൾ കേരളത്തിൽ കിട്ടുമെന്നിരിക്കെ ഇറക്കുമതി എന്തിനായിരുന്നു എന്നും കസ്റ്റംസ് പരിശോധിക്കുന്നുണ്ട്. സി ആപ്റ്റിൽ ശേഷിച്ച ഒരു പെട്ടി തൂക്കം പരിശോധിക്കാനായി കസ്റ്റംസ് അധികൃതർ കൊണ്ടുപോയിട്ടുണ്ട്. മന്ത്രി ജലീലിന്റെ ഓഫീസ് നിർദ്ദേശിച്ചതിനനുസരിച്ചാണ് പ്രവർത്തിച്ചതെന്നാണ് സി ആപ്റ്റിലെ ഉദ്യോഗസ്ഥർ പറയുന്നത്.
Post Your Comments