ഇടുക്കി: പന്നിയാര്‍ക്കുട്ടിയില്‍ നിയന്ത്രണ വിട്ട ജീപ്പ് കൊക്കയിലേക്ക് മറിഞ്ഞ് ദമ്പതികള്‍ ഉള്‍പ്പടെ മൂന്നുപേര്‍ക്ക് ദാരുണാന്ത്യം. വെള്ളിയാഴ്ച രാത്രി 10.30 നുണ്ടായ സംഭവത്തില്‍ ഇടയോടിയില്‍ ബോസ്, ഭാര്യ റീന, ഡ്രൈവര്‍ ഏബ്രഹാം എന്നിവരാണ് മരിച്ചത്. ഒളിമ്പ്യന്‍ കെ.എം. ബീന മോളുടെ സഹോദരിയാണ് മരിച്ച റീന. പന്നിയാര്‍ കുട്ടി പള്ളിക്ക് സമീപം എത്തിയപ്പോള്‍ നിയന്ത്രണം വിട്ട ജീപ്പ് നൂറടി താഴ്ചയിലേക്ക് മറിയുകയായിരുന്നു.
Read Also: ഓസ്ട്രേലിയന്‍, ഫ്രഞ്ച് മന്ത്രിമാരുമായി കൂടിക്കാഴ്ച നടത്തി കേന്ദ്ര വിദേശകാര്യ മന്ത്രി എസ്.ജയശങ്കര്‍
അപകടം നടന്ന ഉടനെ മൂന്നു പേരെയും അടിമാലി താലൂക്ക് ആശുപത്രിയില്‍ എത്തിച്ചെങ്കിലും ബോസിന്റെയും റീനയുടെയും ജീവന്‍ നഷ്ടമായിരുന്നു. ഗുരുതരമായി പരിക്കേറ്റ് ചികിത്സയിലിരിക്കെ ശനിയാഴ്ച പുലര്‍ച്ചെയാണ് ഏബ്രഹാം മരിച്ചത്. അടിമാലി താലൂക്ക് ആശുപത്രിയില്‍ സൂക്ഷിച്ചിരിക്കുന്ന മൃതദേഹം പോസ്റ്റ്‌മോര്‍ട്ടത്തിനുശേഷം ബന്ധുക്കള്‍ക്ക് വിട്ടു നല്‍കും.
Post Your Comments