പത്തനംതിട്ട: ഭിന്നശേഷിക്കാരിയായ യുവതിയെ വിവാഹവാഗ്ദാനം നല്‍കി പീഡിപ്പിച്ച് ശേഷം 25 ലക്ഷം രൂപ തട്ടിയെടുത്ത കേസില്‍ യുവാവ് അറസ്റ്റില്‍. കൊല്ലം ശാസ്താംകോട്ട സ്വദേശി ഷൈന്‍ സിദ്ദിഖിനെയാണ് തിരുവല്ല പൊലീസ് ഭാര്യ വീട്ടില്‍ നിന്ന് അറസ്റ്റ് ചെയ്തത്.
പത്തനംതിട്ട കുമ്പഴയിലുള്ള ബാങ്കില്‍ താല്‍കാലിക ജീവനക്കാരനാണ് അറസ്റ്റിലായ ഷൈന്‍ സിദ്ദിഖ്. 2021 ജൂലൈ മുതല്‍ 2022 ജനുവരി വരെ തിരുവല്ലയിലെ ഹോട്ടലില്‍ വെച്ച് പീഡിപ്പിച്ചെന്നാണ് യുവതിയുടെ മൊഴി. 2024 ല്‍ തിരുവനന്തപുരത്ത് എത്തിച്ചും പീഡനത്തിന് ഇരയാക്കി. വിവാഹം കഴിക്കാമെന്ന് വാക്ക് നല്‍കിയായിരുന്നു പീഡനം. ഭിന്നശേഷിക്കാരിയായ 40 കാരിയാണ് പീഡനത്തിനും തട്ടിപ്പിനും ഇരയായത്. കേസെടുത്തതോടെ ഒളിവില്‍ പോയ പ്രതിയെ നെടുമങ്ങാടുള്ള ഭാര്യവീട്ടില്‍ നിന്നാണ് തിരുവല്ല പൊലീസ് പിടികൂടിയത്.
Post Your Comments