Jannah Theme License is not validated, Go to the theme options page to validate the license, You need a single license for each domain name.
Latest NewsNewsIndia

മകളുമായി പ്രണയത്തിലായിരുന്ന യുവാവിനെ കൊലപ്പെടുത്തി ; പിതാവ് ഉൾപ്പെടെ രണ്ട് പേർ പൊലീസ് പിടിയിൽ

കോട്ട : മകളുടെ കാമുകനായ യുവാവിനെ പിതാവ് ഉള്‍പ്പെട്ട സംഘം ചേര്‍ന്ന് തട്ടിക്കൊണ്ടു പോയി കൊലപ്പെടുത്തി. രാജസ്ഥാനിലെ ഝല്‍വാറിലാണ് സംഭവം. ഇരുപത്തിയാറുകാരനായ രാകേഷ് കുമാർ തെലി എന്ന യുവാവാണ് കൊല്ലപ്പെട്ടത്. സംഭവവുമായി ബന്ധപ്പെട്ട് രാകേഷിന്‍റെ കാമുകിയുടെ പിതാവ് രാധുലാൽ ലോധ (60), അമ്മാവൻ ബദ്രിലാൽ ലോധ (58) എന്നിവരെ അറസ്റ്റ് ചെയ്തിട്ടുണ്ട്. കൃത്യത്തിലുൾപ്പെട്ട ബാക്കി ആറു പേര്‍ക്കായി തെരച്ചിൽ ആരംഭിച്ചിട്ടുണ്ടെന്നും പൊലീസ് പറഞ്ഞു.

കഴിഞ്ഞ വെള്ളിയാഴ്ചയാണ് ദേഹമാസകലം പരിക്കേറ്റ് അർദ്ധ നഗ്നമായ നിലയിൽ രാകേഷിന്‍റെ മൃതദേഹം ഒഴിഞ്ഞ പ്രദേശത്തു നിന്നു കണ്ടെടുത്തത്. പ്രാഥമിക അന്വേഷണത്തിൽ ഇയാൾ പ്രതിയായ രാധുലാലിന്‍റെ വീട്ടിലെ ഡ്രൈവറായിരുന്നുവെന്നും ഇവിടുത്തെ പെൺകുട്ടിയുമായി പ്രണയത്തിലായിരുന്നുവെന്നും വ്യക്തമായി.

തുടർന്ന് നടത്തിയ അന്വേഷണത്തിലാണ് പ്രണയബന്ധത്തിന് എതിരു നിന്ന യുവതിയുടെ വീട്ടുകാർ  യുവാവിനെ കൊലപ്പെടുത്തിയതാണെന്ന് തെളിഞ്ഞത്. കൊല്ലപ്പെട്ടത് ആരാണെന്ന് അറിയാതിരിക്കാൻ രാകേഷിന്‍റെ വസ്ത്രങ്ങളും മൊബൈൽ ഫോൺ അടക്കമുള്ള വസ്തുക്കളും പ്രതികൾ മാറ്റിയിരുന്നു. ഇതിന്  ശേഷമാണ് മൃതദേഹം ഒഴിഞ്ഞ പ്രദേശത്ത് ഉപേക്ഷിച്ചതെന്നും പൊലീസ് വ്യക്തമാക്കി.

shortlink

Related Articles

Post Your Comments

Related Articles


Back to top button