ഐഎസ്എൽ : തകർപ്പൻ പോരിനൊരുങ്ങി നിലവിലെ ചാമ്പ്യൻ , എതിരാളി നോർത്ത് ഈസ്റ്റ് യുണൈറ്റഡ്

ഗുവാഹത്തി : തകർപ്പൻ പോരിനൊരുങ്ങി നിലവിലെ ചാമ്പ്യൻ ബെംഗളൂരു എഫ് സി. നോർത്ത് ഈസ്റ്റ് യുണൈറ്റഡാണ് എതിരാളി. വൈകിട്ട് 6ന് ഗുവാഹത്തിയിലെ ഇന്ദിരഗാന്ധി സ്റ്റേഡിയത്തിലാണ് മത്സരം നടക്കുക. എട്ടു മത്സരങ്ങളിൽ 13 പോയിന്റുമായി മൂന്നാം സ്ഥാനത്താണ് ബെംഗളൂരു. ഈ മത്സരത്തിൽ വിജയിക്കാനായാൽ നിലവിൽ ഒന്നാം സ്ഥാനത്തുള്ള എടികെയെ പിന്നിലാക്കി ഒന്നാം സ്ഥാനം തിരിച്ചുപിടിക്കാൻ സാധിച്ചേക്കും. ഏഴു മത്സരങ്ങളിൽ 10 പോയിന്റുമായി അഞ്ചാം സ്ഥാനത്താണ് നോർത്ത് ഈസ്റ്റ് യുണൈറ്റഡ്.

Also read : ഇന്ത്യാ വിന്‍ഡീസ് ഏകദിനം; ടോസ് നേടിയ വിന്‍ഡീസ് ഇന്ത്യയെ ബാറ്റിംഗിനയച്ചു

Both @NEUtdFC and @bengalurufc come into #NEUBFC on the back of a defeat in their previous #HeroISL match!

Read our preview to know what to expect tonight! ?
#LetsFootballhttps://t.co/pYRFryEq2B

— Indian Super League (@IndSuperLeague) December 18, 2019

പൗരത്വ ഭേദഗതി ബില്ലിനെതിരെ പ്രതിഷേധം തുടരുന്നതിനിടെയാണ് ഗുവാഹത്തിയിൽ ഐഎസ്എൽ മത്സരം നടക്കുന്നത്. നോര്‍ത്ത് ഈസറ്റ് -ബെംഗളുരു മത്സരം കാണാന്‍ കാണികളെ പ്രവേശിപ്പിക്കും. നാലു മണി മുതല്‍ സ്റ്റേഡിയത്തിലേക്ക് കാണികളെ പ്രവേശിപ്പിക്കുമെന്ന് ഐഎസ്എല്‍ അധികൃതര്‍ വാര്‍ത്താക്കുറിപ്പിലൂടെ അറിയിച്ചു.

Update on #NEUBFC #HeroISL #LetsFootball pic.twitter.com/0Oh2oQ1jWu

— Indian Super League (@IndSuperLeague) December 17, 2019

വടക്കുകിഴക്കന്‍ സംസ്ഥാനങ്ങളിലെ പ്രക്ഷോഭങ്ങളുടെ പശ്ചാത്തലത്തിൽ കാണികളെ പ്രവേശിപ്പിക്കാതെ മത്സരം നടത്താനായിരുന്നു തീരുമാനിച്ചിരുന്നത്. അതോടൊപ്പം പതിവ് സമയമായ 7.30ന് പകരം ആറ് മണിക്കായിരിക്കും കിക്കോഫ്. പ്രക്ഷോഭങ്ങളെ തുടര്‍ന്ന് കഴിഞ്ഞയാഴ്ച ഗുവാഹത്തിയിൽ നടത്താനിരുന്ന ഐഎസ്എൽ മത്സരം മാറ്റിയിരുന്നു.