കോഴിക്കോട്: കൂടത്തായി കൊലപാതകത്തിലെ മാത്യു മഞ്ചാടിയേല്‍ കേസില്‍ ജോളിയെ അന്വേഷണ സംഘം ഇന്നും ചോദ്യം ചെയ്യും. സിലി കൊലപാതക കേസില്‍ കസ്റ്റഡിയിലുള്ള പ്രജു കുമാറിനെയും ഇന്ന് ചോദ്യം ചെയ്യും. കൊയിലാണ്ടി സിഐ യുടെ നേതൃത്വത്തില്‍ ഉള്ള സംഘമാണ് ചോദ്യംചെയ്യുക. മാത്യുവിന്റെ വീട്, പൊന്നാമറ്റം വീട് എന്നിവിടങ്ങളിലും ജോളിയെ എത്തിച്ച് തെളിവെടുപ്പ് നടത്തും. അതേസമയം ആല്‍ഫെയ്ന്‍ വധക്കസില്‍ രണ്ടാം പ്രതി മാത്യുവിന്റെ അറസ്റ്റ് ഇന്ന് രേഖപ്പെടുത്തും.
Read also: കൂടത്തായി കൊലപാതക പരമ്പര : മാത്യു മഞ്ചാടിയിലിന്റെ കൊലപാതക കേസിലും ജോളിയെ അറസ്റ്റ് ചെയ്യും
റോയ് തോമസ് കൊലപാതകവുമായി ബന്ധപ്പെട്ട് ജോളിയുടെ ഭര്‍ത്താവ് ഷാജുവിന്റെ രഹസ്യമൊഴിയും ഇന്ന് രേഖപ്പെടുത്തും. കോഴിക്കോട് ഫസ്റ്റ്ക്ലാസ് ജുഡീഷ്യല്‍ മജിസ്‌ട്രേറ്റ് കോടതിയിലാണ് രഹസ്യമൊഴി രേഖപ്പെടുത്തുക. ജോളിയുടെ രണ്ട് മക്കളുടേയും മരിച്ച സിലിയുടെ സഹോദരന്‍ സിജോയുടേയും രഹസ്യമൊഴികള്‍ മുൻപ് രേഖപ്പെടുത്തിയിരുന്നു.
Post Your Comments