യാത്രക്കിടെ നഷ്ടപ്പെട്ട പണമടങ്ങിയ പേഴ്‌സ് തിരിച്ച് നല്‍കി യുവാവ്

കോഴിക്കോട്: യാത്രക്കിടെ നഷ്ടപ്പെട്ട പണമടങ്ങിയ പേഴ്‌സ് കച്ചവടക്കാരന് തിരികെ നല്‍കി. യുവാവ് മാതൃകയായി. വലിയങ്ങാടിയില്‍ കച്ചവടം നടത്തുന്ന സൈമണിനാണ് അനൂപ് എന്ന യുവാവിന്റെ സത്യസന്തത മൂലം കളഞ്ഞു പോയ പേഴ്‌സും പണവും തിരിരെ ലഭിച്ചത്. 5,000 രൂപയും ലൈസന്‍സും പേഴ്‌സിലുണ്ടായിരുന്നു

ഒരു ബൈക്ക് യാത്രക്കിടയിലാണ് സൈമണിന്റെ മകന്റെ കൈവളമുണ്ടായിരുന്ന പേഴ്‌സ് വഴിയില്‍ തെറിച്ചു പോയത്. എന്നാല്‍ പേഴ്‌സ് തെറിച്ചു വീഴുന്നത് ഇവരുടെ പുറകിലെ ബൈക്കിലുണ്ടായിരുന്ന അനൂപ് കണ്ടിരുന്നു. അപ്പോള്‍ തന്നെ പേഴ്‌സ് തിരിച്ച് കൊടുക്കാന്‍ ശ്രമിച്ചെങ്കിലും പേഴ്സ് പോയിട്ടില്ലെന്ന് പറഞ്ഞ് സൈമണിന്റെ മകന്‍ ആദ്യം ബൈക്കോടിച്ച് വീട്ടിലേക്ക് പോയി.

രാത്രി പേഴ്സിലെ തിരിച്ചറിയല്‍ കാര്‍ഡ് നോക്കി വീണ്ടും വിളിച്ചപ്പോഴാണ് പേഴ്സ് നഷ്ടപ്പെട്ട കാര്യം ഇയാള്‍ അറിഞത്. തുടര്‍ന്ന് വ്യാഴാഴ്ച രാവിലെ മാനാഞ്ചിറയില്‍വച്ച് അനൂപ് പേഴ്സ് കൈമാറുകയായിരുന്നു. വേങ്ങര സ്വദേശിയാണ് അനൂപ്.