ബിര്‍മിംഗ്ഹാം: ക്രിക്കറ്റ് പ്രേമികള്‍ നിരാശരാകേണ്ട. ഇന്ത്യ- ബംഗ്ലാദേശ് മത്സരം നടക്കുന്ന ബിര്‍മിംഗ്ഹാമില്‍ നിന്ന് ഒരു ശുഭവാര്‍ത്ത. ഇന്ന് നടക്കുന്ന മത്സരത്തില്‍ മഴ വില്ലനാകില്ലെന്ന സൂചനയാണ് ഇവിടെ നിന്നും ലഭിക്കുന്നത്.
ഇന്ന് ലോകകപ്പിലെ നിര്‍ണായക മത്സരമാണ് നടക്കാനിരിക്കുന്നത്. ഇന്ന് വിജയിച്ചാല്‍ കോലിക്കും സംഘത്തിനും സെമി ഉറപ്പിക്കാം. ഒരു ജയം ബംഗ്ലാദേശിന്റെ സെമി സാധ്യതകള്‍ക്കും നിറം നല്‍കും. അതിനിടെ മഴയെത്തരുതെന്ന് മാത്രമാണ് ക്രിക്കറ്റ് ആരാധകരുടെ പ്രാര്‍ത്ഥന.എന്നാല്‍ മത്സരം നടക്കുന്ന ബിര്‍മിംഗ്ഹാമില്‍ നിന്ന് നല്ല വാര്‍ത്തയാണ് കേള്‍ക്കുന്നത്. മഴ മത്സരം നഷ്ടപ്പെടുത്തില്ലെന്ന് കാലാവസ്ഥ കേന്ദ്രം ഉറപ്പ് നല്‍കുന്നുണ്ട്. മൂടികെട്ടിയ അന്തരീക്ഷമായിരിക്കും ബിര്‍മിംഗ്ഹാമിലേത് എങ്കിലും മഴ പെയ്യാനുള്ള സാധ്യതയില്ല. 50 ഓവര്‍ ഇരുവര്‍ക്കും ലഭിക്കുമെന്നാണ് ബിര്‍മിംഗ്ഹാമില്‍ നിന്നുള്ള വാര്‍ത്ത.
നേരത്തെ, ഇന്ത്യയുടെ ഒരു മത്സരം മഴ കാരണം നഷ്ടമായിരുന്നു. ന്യൂസിലന്‍ഡുമായി ഇന്ത്യ പോയിന്റ് പങ്കിടുകയായിരുന്നു. ബാംഗ്ലാദേശിന്റെ ഒരു മത്സരവും മഴയെടുത്തിരുന്നു. ശ്രീലങ്കയുമായുള്ള മത്സരമാണ് ബംഗ്ലാദേശിന് ഒരു പോയിന്റ് സമ്മാനിച്ചത്.
Post Your Comments