സൂറത്ത്: ബലാത്സംഗക്കേസില്‍ ആള്‍ദൈവം ആശാറാം ബാപ്പുവിന്റെ മകന് നാരായണന്‍ സായിക്ക് ജീവപര്യന്തം തടവും ഒരു ലക്ഷം രൂപ പിഴയും. ഗുജറാത്തിലെ സൂറത്ത് സെഷന്‍സ് കോടതിയുടേതാണ് വിധി.രമേഷ് മല്‍ഹോത്ര എന്നയാളെ ആറു മാസത്തേക്ക് ജയിലിലടയ്ക്കാനും കോടതി വിധിച്ചിട്ടുണ്ട്.
ആശ്രമത്തില്‍വച്ച് സഹോദരങ്ങളായ രണ്ട് പെണ്‍കുട്ടികളെ ബലാത്സംഗം ചെയ്തു.ആശ്രമത്തിലെ അന്തേവാസികളായിരിക്കെ, തങ്ങളെ ആസാറാമും മകനും ബലാത്സംഗം ചെയ്തെന്നായിരുന്നു കേസ്.
കേസില്‍ 35 പ്രതികളും 53 സാക്ഷികളുമാണുണ്ടായിരുന്നത്. പെണ്‍കുട്ടികളുടെ പരാതിയില്‍ പൊലീസ് കേസെടുത്തതോടെ ഒളിവില്‍ പോയ നാരായണ്‍ സായ് പിന്നീട് കീഴടങ്ങുകയായിരുന്നു.ജോധ്പുരിലെ ബലാത്സംഗക്കേസില്‍ ജീവപര്യന്തം ശിക്ഷിക്കപ്പെട്ട ആശാറാം ബാപ്പു ഇപ്പോള്‍ ജയിലിലാണ്.
Post Your Comments