ആലപ്പുഴ: ബസില്‍ പോക്കറ്റിടച്ചയാളെ അതിസാഹസികമായി കണ്ടക്ടര്‍ പിടികൂടി. ഞായര്‍ വൈകിട്ട് അഞ്ചിനായിരുന്നു സംഭവം. ആലപ്പുഴ ഡിപ്പോയില്‍ നിന്നു പുറപ്പെട്ട വൈക്കം ബസിലെ കണ്ടക്ടറായ പുത്തനങ്ങാടി വാരണം മാടപ്പുരയ്ക്കല്‍ ജി.സജി(43) കള്ളനെ പിന്തുടര്‍ന്നു പിടിക്കുകയായിരുന്നു.
ബസില്‍ നല്ല തിരക്കായിരുന്നുവെന്നും മുഹമ്മ സിഎംഎസ് സ്‌കൂളിനു സമീപം എത്തിയപ്പോള്‍ കുടുംബസമേതം ബസില്‍ യാത്ര ചെയ്തയാള്‍ പഴ്‌സ് ന്ടപ്പെട്ട വിവരം അറിയിക്കുകയായിരുന്നുവെന്നും സജി പറഞ്ഞു. അപ്പോള്‍ ആദ്യ തന്നെ ഓര്‍മ്മ വന്നത്. തൊട്ടുമുന്‍പു കെപി മെമ്മോറിയല്‍ സ്‌കൂളിനു സമീപം അസ്വാഭാവികമായി ബസ് നിര്‍ത്തി ഇറങ്ങിയ യാത്രക്കാരനെയായിരുന്നു. സംശയം. ആലപ്പുഴയില്‍ നിന്ന് 8 രൂപ ടിക്കറ്റ് എടുത്ത് ഇറങ്ങിയ ഇയാള്‍ സ്റ്റോപ്പില്‍ ഇറങ്ങാതിരുന്നത് സംശയം വര്‍ദ്ധിപ്പിച്ചു. സ്റ്റോപില്‍ ഇറങ്ങാത്തത് ചോദ്യം ചെയ്തപ്പോള്‍ മുഹമ്മയിലാണ് ഇറങ്ങുന്നതെന്നു പറഞ്ഞു. തുടര്‍ന്ന് മുഹമ്മ വരെയുള്ള ടിക്കറ്റ് കൂടി എടുപ്പിച്ചുവെന്നും സജി പറഞ്ഞു.
പെട്ടെന്നു തന്നെ ബസ് ഒതുക്കി നിര്‍ത്താന്‍ നിര്‍ദേശം നല്‍കി സജി മണ്ണഞ്ചേരി ഭാഗത്തേക്കു പോയ ഒരു ബൈക്കില്‍ കള്ളനെത്തേടി പോയി. പേഴ്‌സ് നഷ്ടപ്പെട്ടയാളും ഇവരോടൊപ്പം പിന്നാലെ പോയി. ആ സമയത്ത്
കെപി മെമ്മോറിയല്‍ സ്‌കൂളിനു സമീപം ചായക്കടയില്‍ നില്‍ക്കുകയായിരുന്ന കള്ളന്‍ സജിയേയും ഒപ്പമുള്ളയാളേയും കണ്ട് ഓടി രക്ഷപ്പെടാന്‍ ശ്രമിച്ചു. എന്നാല്‍ സജി പിന്നാലെ ഓടി ഇയാളെ പിടികൂടുകായിരുന്നു. തുടര്‍ന്ന് പോലീസ് എത്തിയെങ്കിലംു പേഴ്‌സ് ന്ടപ്പെട്ടയാള്‍ പരാതി ഇല്ലെന്ന് അറിയിക്കുകയായിരുന്നു.
Post Your Comments