അഞ്ചല്‍ : വഴിയില്‍ കള‍ഞ്ഞുകിട്ടിയ വലിയ തുകയും താക്കോല്‍ക്കൂട്ടവും അതിന്‍റെ ഉടമക്ക് തന്നെ തിരികെ നല്‍കി ഓട്ടോ ഡ്രെെവര്‍ മാസായി. കൈപള്ളിമുക്കില്‍ വെച്ചാണ് അഞ്ചല്‍ ഇടമുളക്കല്‍ വാഴൂര്‍ രജനി ഭവാനില്‍ രാജന്‍നായരുടെ 5000 രൂപയും താക്കോല്‍ക്കൂട്ടവും നഷ്ടപ്പെട്ടത്. കൈപള്ളിമുക്കില്‍ തന്നെ ഓട്ടോ ഓടുന്ന കോട്ടുക്കല്‍ ആലംകോട് രാജേഷ് ഭവനില്‍ രാജേഷിന് താക്കോല്‍ക്കൂട്ടവും 5000 രൂപയും കിട്ടുകയും തുടര്‍ന്ന് അതുമായി നേരിട്ട് അഞ്ചല്‍ പോലീസ് സ്റ്റേഷനിലെത്തി എല്‍പ്പിക്കുകയായിരുന്നു.
അടുത്ത ദിവസം പണം നഷ്ടപെട്ടെന്ന പരാതിയുമായി സ്റ്റേഷനില്‍ എത്തിയ രാജനെ കാത്തിരുന്നത് സന്തോഷവാര്‍ത്തയായിരുന്നു. പോലീസ് തുടര്‍ന്ന് ഓട്ടോഡ്രെെവര്‍ രാജേഷിന്‍റെ സാന്നിധ്യത്തില്‍ ഉരുപ്പടികള്‍ ഉടമക്ക് കെെമാറി. ഉടമയായ രാജനും ഒപ്പം പോലീസും രാജേഷിന്‍റെ വലിയ മനസിന് നന്ദി വാക്കുകളാല്‍ മൂടി.
Post Your Comments